पर्वत । पर्वतमा रहेको गुप्तेश्वर बहुमुखी क्याम्पसबाट नेपाल विद्यार्थी संघले खाता खोलेको छ ।
आइतबार सम्पन्न मतगणनामा गुप्तेश्वर बहुमुखी क्याम्पसमा नेपाल विद्यार्थी संघबाट स्ववियु सभापतिको उम्मेदवार बनेका सतिश रेग्मीको प्यानलनै विजयी भएको छ ।
कुल १८५ मत खसेकोमा रेग्मीले १३१ मत प्राप्त गरेका थिए । त्यस्तै सचीवमा लक्ष्मण रेग्मी (५३), कोषाध्यक्षमा पबित्रा नेपाली (११९), सदस्यहरुमा पुजा कुमारी पोख्रेल (१३४), मनिषा परियार (१२४) र सबिना क्षेत्री (१२३) मत प्राप्त गरेका थिए ।
सो क्याम्पसमा नेविसंघ र अखिल क्रान्तिकारी लगायतका संगठनको गठबन्धन रहेको थियो ।
