विराटनगरमा आज बिहानैदेखि निषेधाज्ञा

जिल्ला प्रशासन कार्यालय मोरङले विराटनगरका विभिन्न स्थानमा आइतबार निषेधाज्ञा जारी गरेको छ ।

कोशी प्रदेश नामकरणको विरोधमा रहेकाहरुले आइतबार वृहत प्रदर्शन गर्ने भएपछि प्रशासनले निषेधाज्ञा जारी गरेको हो ।

निषेध गरिएको क्षेत्रमा प्रदेशसभा पूर्वमा देवकोटा चोकदेखि पश्चिम कोशी अस्पतालसम्म, मुख्यमन्त्री तथा मन्त्रिपरिषद्को कार्यालय रोडशेष चोक देखि दक्षिण जतुवा चोकसम्म, मुख्यमन्त्री निवास वरिपरि ३०० मिटरसम्म र जिल्ला प्रशासन कार्यालय मोरङको डाँफे चोकदेखि पूर्वको क्षेत्रसम्म प्रशासनले निषेधित क्षेत्र रहेका छन् ।

जसअनुसार बिहान ६ बजेदेखि अर्को आदेश नभएसम्म निषेधित स्थानमा सर्वसाधारण तथा सवारी साधन आवतजावत बाहेक कुनै पनि किसिमको सभा, जुलुस, भेला, र्‍याली, धर्नाजस्ता कार्य गर्न नपाइने जिल्ला प्रसासन कार्यालयले जनाएको छ ।