काठमाडौं । प्रस्तावित प्रधानन्यायाधीश चोलेन्द्रशमशेर जबराको संसदीय सुनुवाई आज हुँदैछ ।
आइतवार दिउँसो २ बजे बस्ने संसदीय सुनुवाई समितिको बैठकमा सुनुवाईका लागि जबरालाई बोलाइएको हो ।
सुनुवाईका क्रममा जबराविरुद्ध परेको ९ वटा उजुरी र उनको भावी कार्ययोजनाका विषयमा छलफल हुनेछ ।
संघीय संसद सचिवालयका सहप्रवक्ता केशव अर्यालका अनुसार सुनुवाईपछि जबराको नाम अनुमोदन गर्ने वा नगर्ने निर्णय हुनेछ ।
त्यस्तै समितिको गत शुक्रवार बसेको बैठकले उजरीकर्ताहरुसँग छलफल गरेको थियो ।
प्रधानन्यायाधीश ओमप्रकाश मिश्रले उमेर हदका कारण मंगलवारदेखि अनिवार्य अवकास लिने भएका छन् ।
प्रधानन्यायाधीश मिश्र अवकास अगावै प्रस्तावित प्रधानन्यायाधीशको सुनुवाई सक्ने समितिको तयारीमा छ ।
संसदीय सुनुवाई समितिले प्रधानन्यायाधीशको नाम अनुमोदन गरेपछि राष्ट्रपति विद्यादेवी भण्डारीले प्रधानन्यायाधीश नियुक्त गर्ने संवैधानिक व्यवस्था छ ।
यो खबर पढेर तपाईलाई कस्तो महसुस भयो ?
प्रतिक्रिया