४ भाद्र २०७९, शनिवार

यस्तो छ आजको मन्त्रिपरिषद् बैठकका महन्वपूर्ण निर्णयहरु

२०७४,कार्तिक,६,सोमवार ०७:१०

0
Shares

काठमाडौं, ६, कात्तिक –गृहसचिव लोकदर्शन रेग्मी मुख्य सचिवमा नियुक्त हुनु भएको छ ।सोमबार बसेको मन्त्रीपरिषद बैठकले गृहसचिव रेग्मीलाई मुख्य सचिवमा बढुवा गरेको हो । मुख्य सचिव राजेन्द्रकिशोर क्षेत्रीको मंगलबार उमेर हदका कारण पदावधि सकिन लागेकाले गृह सचिव रेग्मीलाई मुख्य सचिवमा बढुवा गर्ने निर्णय गरिएको सरकारका प्रवक्ता एवम् सूचना तथा संचारमन्त्री मोहनबहादुर बस्नेतले जानकारी दिए । त्यसैगरी सरकारले राष्ट्रिय पुनर्निर्माण प्राधिकरणका प्रमुख कार्यकारी अधिकृतमा पूर्व अर्थसचिव युवराज भुसाललाई नियुक्त गरेको छ । डा. गोविन्दराज पोखरेलले पदबाट दिएको राजीनामा स्विकृत गर्दै मन्त्रीपरिषद बैठकले सो पदमा पूर्व अर्थसचिव भुसाललाई नियुक्त गर्ने निर्णय गरेको हो ।सरकारले प्रधानमन्त्री तथा मन्त्रीपरिषद कार्यालयका सचिव शंकरप्रसाद अधिकारीलाई अर्थ मन्त्रालयको सचिवमा सरुवा गरेको छ । त्यसैगरी प्रधानमन्त्री कार्यालयका अर्का सचिव ङइन्द्रप्रसाद उपाध्यायलाई लोक सेवा आयोगको सचिवमा सरुवा गरिएको छ । क्षेत्रीय प्रशासन कार्यालय हेटौडाका रेश्मीराज पाण्डेलाई सामान्य प्रशासन मन्त्रालयको सचिव, वन मन्त्रालयका सचिव प्रकाश माथेमालाई पशुपंक्षी मन्त्रालयको सचिवमा सरुवा गरिएको छ ।पशुपक्षी मन्त्रालयका सचिव युवकध्वज जिसीलाई वन मन्त्रालयको सचिवको जिम्मेवारी दिइएको छ । मन्त्रीपरिषद बैठकले विष्णु ओमबादेलाई सचिवमा बढुवा पनि गरेको छ । सरकारले विश्व बैंकबाट करिव ८० मिलियन डलर अनुदान लिन वार्ता टोली गठन गर्ने प्रस्ताव पनि स्वीकृत गरेको छ । मन्त्रीपरिषद बैठकले निर्वाचनको पर्यवेक्षकका लागि यूरोपेली युनियनसँगको सम्झदारी पत्रमा हस्ताक्षर गर्ने निर्णय पनि गरेको छ ।

प्रकाशित मिति: २०७४,कार्तिक,६,सोमवार ०७:१०

प्रतिक्रिया दिनुहोस !
सम्बन्धित खबरहरु

काठमाडौं । नेपाल–भारत उद्योग वाणिज्य संघले नेपाल सरकारसँग वर्तमान समय सान्दर्भिक बौद्धिक सम्पत्ति सम्बन्धी कानुन ल्याउन माग गरेको छ ।

धनगढी । चार दशकदेखि चर्चामा रहेको पश्चिम सेती जलविद्युत आयोजना निर्माणका लागि नेपाल सरकारले बिहीवार भारतीय कम्पनी एनएचपीसीलाई सर्वेक्षण गर्ने

काठमाडौं । आज २८७ फोहोर बोकेका गाडी बञ्चरेडाँडा पुगेका छन् । काठमाडौं महानगरपालिकाका मेयर बालेन्द्र शाहले सामाजिक सञ्जालमार्फत काठमाडौंलाई स्वच्छ

उदयपुर । उदयपुरको ताप्ली गाउँपालिका–१ स्थित यारी खोलामा माछा मार्ने क्रममा पानीमा डुबी एक युवकको ज्यान गएको छ । ताप्लि

ताजा समाचार

पाल्पामा आज भगवती जात्रा मनाइँदै
 २०७९,भाद्र,४,शनिवार ११:३४
करेन्ट लागेर बाबु र छोराको मृत्यु
 २०७९,भाद्र,४,शनिवार ११:३१
बेनीको बजार बढ्यो तर व्यापार खस्कियो
 २०७९,भाद्र,४,शनिवार ११:११