काठमाडौं । नेकपा एमालेले दसुदूरपश्चिमका मुख्यमन्त्री कमलबहादुर शाहलाई विश्वासको मत नदिने निर्णय गरेको छ ।
आज बसेको सुदूरपश्चिम नेकपा एमाले संसदीय दलको बैठकले सो निर्णय गरेको हो ।
२६ माघमा मुख्यमन्त्रीमा नियुक्त भएका शाहले आज विश्वासको मत लिँदै छन् ।
५३ जना प्रदेश सभा सदस्य रहेको सुदूरपश्चिममा विश्वासको मत पाउन २७ सांसद आवश्यक पर्छ । यहाँ कांग्रेसका १९, नेकपा एकीकृत समाजवादीका ४ र स्वतन्त्र १ सांसदले उनलाई विश्वासको मत लिने निश्चित छ ।
यता नागरिक उन्मुक्ति पार्टीले पनि विश्वासको मत दिने निर्णय गरेको छ ।
यता आलोपालो सरकारका लागि लिखित सहमति नभए विश्वासको मत नदिने अडानमा रहेको माओवादी केन्द्र विश्वासको मत दिन तयार भएको छ ।
प्रधानमन्त्री समेत रहेका माओवादी केन्द्रका अध्यक्ष पुष्पकमल दाहाल प्रचण्डको निर्देशनपछि सुदूरपश्चिम प्रदेश माओवादी विश्वासको मत दिन तयार भएको हो ।
यो खबर पढेर तपाईलाई कस्तो महसुस भयो ?
प्रतिक्रिया