काठमाडौं । नेकपा माओवादी केन्द्रले सुदूरपश्चिमका मुख्यमन्त्री कमलबहादुर शाहलाई विश्वासको मत दिन निर्देशन दिएको छ ।
माओवादी केन्द्रका अध्यक्ष समेत रहेका प्रधानमन्त्री प्रचण्डले सो निर्देशन दिएका हुन् ।
आज सुदूरपश्चिम प्रदेशका मुख्यमन्त्री शाहले विश्वासको मत लिँदैछन् । तर सुदूरपश्चिम माओवादीले आलोपालो सरकारको नेतृत्व गर्ने सहमति नभएसम्म विश्वासको मत नदिने अडान कायम राखेको थियो ।
८ दलीय गठबन्धन जोगाउनका लागि विश्वासको मत दिन प्रचण्डले निर्देशन दिएको स्रोतले जनाएको छ ।
यसअघि एमालेबाट मुख्यमन्त्री बनेका राजेन्द्रसिंह रावलले विश्वासको मत नपाएसँगै गत माघ २६ गते शाह मुख्यमन्त्रीमा नियुक्त भएका थिए ।
५३ सदस्यीय प्रदेश सभामा मुख्यमन्त्रीले विश्वासको मत पाउन २७ मत आवश्यक पर्दछ ।
प्रचण्डको निर्देशनपछि सुदूरपश्चिम माओवादी तयार भएको छ । भने मुख्यमन्त्री शाह नेतृत्वको सरकार जोगिने भएको छ ।
यो खबर पढेर तपाईलाई कस्तो महसुस भयो ?
प्रतिक्रिया