सुर्खेत । नेपाली कांग्रेसका उपसभापति पूर्णबहादुर खड्काले राष्ट्रपति र उपराष्ट्रपतिको निर्वाचनपछि मात्रै प्रचण्ड नेतृत्वको सरकारमा कांग्रेस सहभागि हुने बताएका छन् । शनिबार सुर्खेतको गुर्भाकोटमा आयोजित एक कार्यक्रममा बोल्दै खड्काले सो कुुरा बताएका हुन् ।
उनले नयाँ सरकार गठनको विषयमा छलफल नै नचलेको बताए । प्रधानमन्त्री प्रचण्डले विश्वासको मत लिने र त्यसपछि प्रचण्ड नेतृत्वकै सरकारका कांग्रेस सहभागि हुने बताए । उनले आगामी आर्थिक वर्षको बजेट कर्णालीलाई केन्द्रमा राखेर आउने बताएका छन् ।
चुनावका बेला गरेको बाचा आगामी आर्थिक वर्षको बजेटमार्फत सम्बोधन हुने उनको भनाइ थियो । प्रतिनिधि सभाका सांसदसमेत रहेका खड्काले मदन भण्डारी राजमार्ग कालोपत्रेको काम भइरहेको र भेरीको टापु खटाङमा तीन मुखे झोलुङ्गे पुलको निर्माणका लागि माटो परीक्षणको काम भइरहेको बताउँदै कांग्रेस नेतृत्वमा भएका र हुँदै गरेका कामहरु आम जनतामाझ पुर्याउनुपर्ने बताए ।
यो खबर पढेर तपाईलाई कस्तो महसुस भयो ?
प्रतिक्रिया