सुदूरपश्चिम विश्वविद्यालयमा पहिलोपटक स्ववियु निर्वाचन हुँदै, मिति तोकियो

काठमाडौं । सुदूरपश्चिम विश्वविद्यालयमा पहिलोपटक स्ववियु निर्वाचन हुने भएको छ ।

आगामी चैत ८ गतेका लागि स्ववियु निर्वाचनको मिति तोकिएको विश्वविद्यालयका उपकुलपति प्रा.डा. आम्माराज जोशीले लोकपथलाई जानकारी दिए ।

चैत ८ गते निर्वाचन हुनेगरी निर्णय गरिएको उनले बताए ।

‘चैत ८ गते स्ववियु निर्वाचनको मिति तोकिएको छ ।’ उनले भने, ‘निर्वाचनका लागि सबै तयारीहरु भइरहेको छ ।’

२०६९ सालमा विश्वविद्यालयमा स्ववियु स्थापना भए पनि पहिलोपटक मिति तोकिएको हो ।

साविकको शिद्धनाथ बहुमुखी क्याम्पसको स्तरोन्तरी गरी २०६६ सालमा सुदूरपश्चिम विश्वविद्यालय स्थापना गरिएको थियो ।

यता त्रिभुवन विश्वविद्यालयले पनि आगामी चैत ५ गतेका लागि स्ववियु निर्वाचनको तयारी गरेको छ । २०६५ सालदेखि हुन नसकेको निर्वाचनको मिति तोकिएसँगै केन्द्रीय तथा आंगिक र सम्बन्धनप्राप्त क्याम्पसमा निर्वाचन हुन लागेको हो । त्यस्तै अन्य विश्वविद्यालयमा समेत स्ववियु निर्वाचन हुने तयारी गरिएको छ ।