काठमाडौं । नेपाल कम्युनिष्ट पार्टी (नेकपा)को स्थायी कमिटी बैठकमा वरिष्ठ नेता माधवकुमार नेपालले पार्टीमा एउटा पक्षलाई सिध्याउने प्रयास भएको भन्दै आक्रोशित भएका छन् ।
नेकपामा तत्कालीन एमालेको दुई गुट कायमै रहेको र पार्टी अध्यक्ष केपी शर्मा ओली समूहले माधवकुमार नेपाल समूहलाई खेद्ने काम गरेको उनीहरूको गुनासो छ ।
पार्टी कार्यालय धुम्बाराहीमा शनिवार बसेको स्थायी कमिटी बैठकमा नेता नेपालले पार्टीमा एउटा पक्षलाई सिध्याउने प्रयास भएको भन्दै यस्तो भूल गर्न सरकारलाई चेतावनी दिएका हुन् ।
बैठकमा नेपालसँगै झलनाथ खनाल, महासचिव विष्णु पौडेल, रामबहादुर थापा ‘बादल’ र गिरिराजमणि पोखरेलले आफ्नो धारणा राखेका थिए ।
त्यस्तै सचिवालय र विधानबारे देखिएको अस्पष्टता हटाउनुपर्नेमा जोड दिँदै व्यक्तिलाई हेरेर नभई मापदण्डका आधारमा जिम्मेवारी दिनुपर्ने उनले बताए ।
पूर्व प्रधानमन्त्री समेत रहेका नेता नेपाल आक्रोशित हुँदै प्रधानमन्त्रीको काम अनुगमन र निर्देशन दिने मात्रै भएको भन्दै सबै कामलाई प्रधानमन्त्री कार्यालयमा केन्द्रित गर्न नहुने बताए ।
यो खबर पढेर तपाईलाई कस्तो महसुस भयो ?
प्रतिक्रिया