सकियो नेपाल भारत सचिवस्तरीय संयन्त्रको बैठक

काठमाडौं । नेपाल–भारत विदेश सचिवस्तरीय संयन्त्रको बैठक सकिएको छ ।

भारतीय विदेश सचिव विनयमोहन क्वात्रा र परराष्ट्र सचिव भरतराज पौडेलबीचको बैठक सकिएको हो ।

होटल याक एन्ड यती होटलमा बसेको बैठकमा विभिन्न विषयमा छलफल भएको थियो ।

आधा घण्टासम्म चलेको छलफलमा के के विषयमा कुराकानी भयो भन्ने विषय अहिले खुलाइएको छैन । परराष्ट्र मन्त्रालयका सचिव पौडेलको निमन्त्रणमा विदेश सचिव क्वात्रा दुई दिने भ्रमणका लागि नेपाल आएका हुन् ।

संयन्त्रको बैठकमा सीमा सम्बन्ध, वातावरण, पर्यटन, यातायात लगायतका विषयमा छलफल गर्ने तय भएको थियो । ती विषयमा के कस्तो छलफल भयो भन्ने बाहिर आइसकेको छैन ।