सुदूरपश्चिम प्रदेश : नागरिक उन्मुक्तिले विश्वासको मत नदिँदा संकट पैदा

लोकपथ
78
Shares

काठमाडौं । सुदूरपश्चिम प्रदेशका मुख्यमन्त्री राजेन्द्रसिंह रावलले बुधबार विश्वासको मत लिँदैछन् ।

सरकारलाई समर्थन गरे पनि नागरिक उन्मुक्ति पार्टीले विश्वासको मत नदिने भएको छ । त्यससँगै सुदूरपश्चिम प्रदेश सरकार संकटमा परेको छ ।

पार्टीका नेता रेशम चौधरी लगायत बन्दीहरुको रिहाइ नभएसम्म कसैलाई पनि विश्वासको मत नदिने नागरिक उन्मुक्ति पार्टीको माग रहेको छ ।

गत पुस २७ गते मुख्यमन्त्रीमा नियुक्त भएपनि रावलले उन्मुक्तिलाई मिलाउन सकेका छैनन् ।

उनलाई उनको दल नेकपा एमालेसहित नेकपा (माओवादी केन्द्र), नागरिक उन्मुक्ति पार्टी र राप्रपाको समर्थन रहेको थियो ।

५३ सदस्यीय प्रदेश सभामा बहुमतका लागि २७ सांसद आवश्यक पर्छ। तर अहिलेसम्म माओवादीका ११, एमालेका १० र राप्रपाको १ सांसद उनको पक्षमा रहेका छन् । तर नागरिक उन्मुक्तिले समर्थन नगर्दा थप संकट पैदा भएको हो ।

हाल सुदूरपश्चिम प्रदेश सभामा नेपाली कांग्रेसका १९, माओवादीका ११, एमालेका १०, नागरिक उन्मुक्तिका सात, एकीकृत समाजवादीका चार, राप्रपा एक र स्वतन्त्र एक सांसद रहेका छन् ।

यो खबर पढेर तपाईलाई कस्तो महसुस भयो ?