काठमाडौं । मधेश प्रदेश सरकारमा माओवादी केन्द्र पनि सहभागि भएको छ ।
लामो छलफलपछि मुख्यमन्त्री सरोज यादवले तेस्रोपटक मन्त्रिपरिषद् विस्तार गर्दै मन्त्रिमण्डललाई पूर्णता दिएका हुन् ।
माओवादीबाट उद्योग वन तथा पर्यटनमन्त्रीमा सुनिता यादव र राज्यमन्त्रीमा रहबर अन्सारी नियुक्त भएका हुन् ।
नवनियुक्त मन्त्री तथा राज्यमन्त्रीले आज दिउँसो १ बजे पद तथा गोपनीयताको शपथ लिने कार्यक्रम रहेको छ ।
यसअघि गत पुस २९ गते तीन मन्त्री र माघ २० गते ६ मन्त्री र ३ राज्यमन्त्री नियुक्त भएका थिए । त्यससँगै मधेश प्रदेश सरकारले पूर्णता पाएको छ । हाल मुख्यमन्त्रीसहित १० मन्त्री र ४ राज्यमन्त्री रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया