काठमाडौं । टर्कीमा फेरि भूकम्पको धक्का महसुस गरिएको छ । टर्कीमा मंगलबार बिहान ५.५ रिक्टर स्केलको भूकम्पमापन गरिएको छ ।
अमेरिकी भूगर्भ सर्वेक्षणको वेबसाइटका अनुसार टर्कीमा मंगलबार पनि ठूलो भूकम्पको धक्का महसुस गरिएको थियो । वेबसाइटका अनुसार बिहान करिब ९:४५ मा भूकम्पको धक्का ५.५ रिक्टर स्केलमा मापन गरिएको थियो।
सोमबार गएको भूकम्पका कारण टर्की र सिरियामा चार हजारभन्दा बढी भवनहरु ध्वस्त भएका छन् । बीबीसीका अनुसार भूकम्पमा घाइतेको संख्या १२ हजारभन्दा बढी रहेको छ । भूकम्पका कारण टर्कीसँगै सिरियामा पनि धेरै नागरिकले ज्यान गुमाएका छन् । दुवै देशमा भूकम्पका कारण मृत्यु हुनेको संख्या चार हजार नजिक पुगेको छ ।
सोमबार गएको भूकम्पमा २० हजारभन्दा बढी मानिसको ज्यान गएको डब्लुएचओका वरिष्ठ अधिकारीहरुको अनुमान छ । हाल विश्वका विभिन्न देशहरुबाट राहत पठाइएको छ भने उद्धार कार्य जारी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया