पल शाहलाई १५ दिनभित्र उच्च अदालत पोखरामा उपस्थित गराउन आदेश

काठमाडौं । उच्च अदालत पोखराले पल शाहविरुद्धको बाल यौन दुराचारको मुद्दामा झगडियालाई झिकाउने आदेश दिएको छ । सोमबार उच्च अदालत पोखराका कामु मुख्य न्यायाधीश डिल्लीराज आचार्य र न्यायाधीश ऋषि राजभण्डारीको संयुक्त इजलासले झगडिया झिकाउने आदेश दिएको हो ।

अब पल शाह १५ दिनभित्र उच्च अदालत कास्कीमा उपस्थित हुनुपर्नेछ ।

एक नाबालिगलाई बालयौन दुराचार गरेको अभियोगमा जिल्ला अदालत नवलपरासी पूर्वले पल शाहलाई साढे २ वर्ष कैद र पीडितलाई १० लाख रुपैयाँ क्षतिपूर्ति दिनुपर्ने फैसला गरेको थियो ।

उक्त फैसलाविरुद्ध जिल्ला सरकारी वकिल कार्यालय र पल शाह दुबै पक्षले उच्च अदालत पोखरामा पुनरावेदन गरेका थिए ।