काठमाडौं । राष्ट्रिय स्वतन्त्र पार्टीका सभापति रवि लामिछानेले सञ्चारकर्मी र सञ्चारगृहप्रति आक्रोश व्यक्त गरेका छन् ।
नागरिकता विवादका विषयमा सञ्चार माध्यमले गलत सूचना निरन्तर प्रवाह गरेको भन्दै उनी सञ्चारकर्मी र केही सञ्चार गृहप्रति खनिएका हुन् ।
उनले नामै किटेर कान्तिपुर मिडिया ग्रुपका अध्यक्ष कैलाश शिरोहियाप्रति कटाक्ष गरेका हुन् ।
आज बसेको स्वतन्त्र पार्टीको निर्णायक बैठकपछि बसेको विशेष पत्रकार सम्मेलनमा बोल्दै उनले कान्तिपुरले आफूमाथि खनिएको भन्दै कटाक्ष गरे । उनले आफूलाई नागरिकता मुद्दा विवाद रहदा गृहमन्त्रालय रोजेको भन्दै कन्फिल्ट अफ इन्ट्रेस्टका विषयमा मिडियाहरु झन धेरै रहेको भन्दै कटाक्ष गरेका छन् ।
आज बसेको रास्वपाको बैठकले रास्वपा सरकारबाट बाहिरिने निर्णय समेत गरेको छ ।
