पठानको सफलतापछि शाहरुख खानले गरे ‘पठान-२’ बनाउने संकेत

काठमाडौं । यतिबेला बक्स अफिसमा फिल्म पठानले चर्चा पाइरहेको छ । फिल्मले पहिलो दिनदेखि नै राम्रो कमाइ गरिरहेको छ । पहिलो फिल्मको सफलता देखेर अब फिल्मको दोस्रो भाग पनि बनाउने सुपरस्टार शाहरुख खानले संकेत गरेका छन् ।

सुपरस्टार शाहरुख खानको फिल्म ‘पठान’ ले मनग्य कमाइ गरिरहेको छ । योसँगै फिल्मका एक्सन दृश्यले पनि मानिसको मन जितिरहेको छ । फिल्मको सफलतालाई मध्यनजर गर्दै अब फिल्मको दोस्रो भागको तयारी भइरहेको खबर बाहिरिएको छ ।

‘पठान’ को सफलतालाई ध्यानमा राख्दै, निर्माताहरूले सोमबार मुम्बईमा एक प्रेस कार्यक्रम आयोजना गरे, जसमा ‘पठान’ का निर्देशक सिद्धार्थ आनन्दले फिल्मको भागको बारेमा ठूलो संकेत दिए ।

Siddharth Anand Announces #Pathaan sequel i.e #Pathaan2 with @iamsrk pic.twitter.com/hdTfZMIPAs

— ʀᴜᴘᴇꜱʜ 👑𝐹𝒶𝓃 (@ISRKzRupesh) January 30, 2023

‘पठान २’ को बारेमा शाहरुख खानले भने, ‘पठानको सफलतापछि मेरो परिवार निकै खुसी छ । यदि यो फिल्मको सिक्वेल बनाइयो भने, म अझै मेहनत गर्ने प्रयास गर्नेछु ।

पठान फिल्मले पाँच दिनमा ५ सय करोडको व्यापार गरेको छ ।