काठमाडौं । नेकपा माओवादी केन्द्रले नयाँ राष्ट्रपतिका लागि राष्ट्रिय सहमतिको पहल गर्ने निर्णय गरेको छ । पार्टी कार्यालय कोटेश्वरमा बसेको स्थायी कमिटी बैठकले राष्ट्रपतिका लागि राष्ट्रिय सहमतिको पहल गर्ने निष्कर्ष निकालेको हो ।
बैठकबारे जानकारी दिँदै प्रवक्ता कृष्णबहादुर महराले भने, ‘राष्ट्रपतिको विषयमा राष्ट्रिय सहमति कायम गर्नुपर्छ भन्नेमा धेरैले जोड दिनुभएको छ । राष्ट्रिय सहमति भनेपछि कांग्रेस र एमाले कुनैको नाममा हुँदैन सबैको हुन्छ।’
आफूहरुले राष्ट्रिय सहमति गर्नुपर्छ भनिरहेको भए पनि के हुन्छ यसै भन्न नसकिने पनि बताए । यसका लागि माओवादीले एमालेसहित सबै पार्टीहरूसँग छलफल गर्ने पनि जनाएको छ । अब अर्को बैठक माघ १६ गते बस्ने पनि जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया