काठमाडौं । अखिल नेपाल फुटबल संघ (एन्फा) का केन्द्रिय सदस्य रुपेश अधिकारीले अध्यक्ष पंकज बिक्रम नेम्बाङलाई पत्र लेखेका छन् । कतारमा सम्पन्न विश्वकपको टिकट हिनामिनाबारे आएको समाचारबारे सत्यतथ्य जानकारी दिन माग गर्दै एन्फाका केन्द्रिय सदस्य रुपेश अधिकारीले पत्र लेखेका हुन् ।
हाल आफू देश बाहिर रहेकाले समाचारबारे जानकारी पाउँ भन्दै इमेलमार्फत अध्यक्ष नेम्बाङलाई पत्र लेखेका हुन् । अधिकारीले मागको सुनुवाई नभएमा आफुले फिफा र एएफसीमा यस विषयको उठान गर्ने जनाएका छन् ।
‘विश्व कप फुटबल २०२२ का विषयमा विभिन्न सञ्चार माध्यममा आईरहेका समाचारको बारे मेरो पनि ध्यान केन्द्रित भएकोले उक्त बिषयमा म पनि जिम्मेवार पदमा बहाल रहेको नाताले निम्न लिखित विषयहरू अबिलम्ब (आजै कार्यालय समय भित्र) उपलब्ध गराई दिनु हुन अनुरोध गर्दछु,’ उनले पत्रमा लेखेका छन्, ‘यस विषयलाई गहन रूपमा लिईदिन हुन अनुरोध गर्दै अन्यथा यो विषयलाई फिफा र एएफसीमा समेत उठान गर्न बाध्य हुनेछु।’
यद्यपी, एन्फाले टिकट वितरणमा अनियमितता नभएको स्पष्ट पारेको थियो ।
