काठमाडौं । रुसविरुद्ध युक्रेनलाई प्याट्रियट मिसाइल डिफेन्स सिस्टम दिएपछि अब अमेरिकाले पनि युक्रेनमा युद्ध ट्याङ्क पठाउने घोषणा गरेको छ ।
त्यस्तै, जर्मनीले युक्रेनी सेनालाई सहयोग गर्न ट्याङ्क पठाउने घोषणा गरेको छ । ह्वाइट हाउसले भनेको छ कि ‘हाम्रो र हाम्रा साझेदारहरूको एउटै लक्ष्य युक्रेनलाई रुसी आक्रमणको विरुद्ध युद्धभूमिमा हरेक हिसाबले सक्षम बनाउने हो ।’
ह्वाइट हाउसका सचिव जोन किर्बीले जर्मनीले युक्रेनलाई थप दुई बटालियनहरू व्यवस्थित गर्न मद्दत गर्ने बताए। यसका अतिरिक्त बेलायतले आफ्ना च्यालेन्जर ट्याङ्कहरू पठाउन सहमत भएको छ भने फ्रान्सले युक्रेनलाई सशस्त्र गाडीहरू पनि सहयोग गर्नेछ। अमेरिकी राष्ट्रपति जो बाइडेनले अमेरिकाले युक्रेनमा ३१ वटा अत्याधुनिक अब्राम युद्ध ट्याङ्क पठाउने घोषणा गरेका छन् ।
जाडो सकिन लगत्तै लडाइँ तीव्र हुने
ह्वाइट हाउसका प्रवक्ता किर्बीले रुस र युक्रेनबीचको लडाई जाडोका कारण सुस्त भएको बताए । यद्यपि, उनले स्वीकार गरे कि मौसम परिवर्तन भएपछि रूसी आक्रमणहरू फेरि तीव्र हुनेछन्, जसको लागि युक्रेन तयार हुनुपर्छ।
