काठमाडौं । संघीय संसदको सभामुख पदको निर्वाचन प्रक्रियामा ५ जना प्रतिनिधि सभा सदस्य उनुपस्थित भएका छन् ।
जसमा सांसदहरु वर्षमान पुन, बिनाकुमारी थनैत, मनोरमा शेरचन, सपना राज भण्डारी र लक्ष्मी महतो कोइरी महतो रहेका छन् ।
कुल २७५ सदस्यीय प्रतिनिधि सभाको आजको बैठकमा २६८ सांसद मात्रै उपस्थित रहेका थिए । नेपाली कांग्रेसका सांसद टेकबहादुर गुरुङ निलम्बनमा परेका कारण निर्वाचन प्रक्रियामा भाग लिन कानुनले छेकेको छ । भने संसदका जेष्ठ सदस्य पशुपति शमशेर राणाले सभा सञ्चालन गरेका कारण निर्वाचन प्रक्रियामा उपस्थित नभएका हुन् ।
आज भएको निर्वाचनमा १६८ मतसहित एमालेका देवराज घिमिरे सभामुखमा निर्वाीचत भएका छन् । यता नेपाली कांग्रेसकी उम्मेदवार ईश्वरी न्यौपानेको पक्षमा १०० मत र १ सांसद पक्ष विपक्षमा भाग लिएनन् ।
यो खबर पढेर तपाईलाई कस्तो महसुस भयो ?
प्रतिक्रिया