१६७ मतसहित प्रतिनिधि सभाको सभामुखमा देवराज घिमिरे निर्वाचित

काठमाडौं । प्रतिनिधि सभाको सभामुखमा नेकपा एमालेका देवराज घिमिरे निर्वाचित भएका छन् ।

बिहीबार भएको निर्वाचनमा उनको पक्षमा १६७ मत परेको थियो । त्यस्तै उनको विपक्ष अर्थात् नेपाली कांग्रेसबाट उम्मेदवार बनेकी ईश्वरी न्यौपानेको पक्षमा १०० मत परेको थियो । एक सांसदले प्रस्तावमा मत दिन्न भन्ने पक्षमा मतदान गरेका थिए ।

२७५ सदस्यीय प्रतिनिधि सभामा आजको बैठकमा २६८ सदस्य उपस्थित रहेका थिए ।

नवनिर्वाचित सभामुख घिमिरे नेपालको संसदीय इतिहासका नवौँ सभामुख हुन् ।