काठमाडौं । राष्ट्रिय सभाका अध्यक्ष गणेशप्रसाद तिमल्सिना र नेपालका लागि चिनियाँ राजदूत चेन सोङबीच भेटघाट भएको छ ।
बुधबार बिहान अध्यक्ष तिमल्सिनालाई भेट्नका लागि सोङ राष्ट्रिय सभा अध्यक्षको कार्यकक्ष पुगेका थिए ।
नवनियुक्त राजदूत सोङले आफ्नो कार्यभार सम्हालेसँगै सोङले नेपालका उच्च पदस्थ व्यक्तिहरुसँग भेटघाट गरिरहेका छन् ।
आज भएको भेटघाटको क्रममा अध्यक्ष तिमल्सिनाले नवनियुक्त राजदूत सोङलाई बधाइ दिएका थिए । भने दुई देशबीचको आपसी सम्बन्धका बारेमा समेत छलफल भएको थियो ।
