काठमाडौं । नेपाली कांग्रेसको सुभेच्छुक संस्था नेपाल डेमोक्रेटिक लयर्स एसोसियसन (डिएलए) को महाधिवेशन आगामी फागुनमा हुने भएको छ ।
यसअघि पटकपटक मिति सर्दै आएकोमा आगामी फागुन ६ र ७ गते गर्ने निर्णय भएको हो ।
डिएलएकी महासचिव लक्ष्मी देवी रावल दाहालले एक सूचना जारी गर्दै महाधिवेशन आगामी फागुन ६ र ७ गते हेटौँडामा गर्ने जानकारी गराएकी हुन् ।
त्यसैगरी अध्यक्षमा त्रीपक्षीय प्रतिष्पर्धा हुने देखिएको डिएलएका केन्द्रीय सदस्य कीर्तिनाथ शर्मा पौडेलले जानकारी दिए ।
उनका अनुसार हालसम्म राजु कटुवाल, सिताराम केसी, लक्ष्मी दाहाल अध्यक्षको तयारीमा रहेका छन् ।
त्यसैगरी महासचिवमा ज्ञानेन्द्र बहादुर अधिकारी र लक्ष्मण आचार्य लगायत तयारीमा रहेका छन् ।
नयाँ नेतृत्व चयन हुने भएसँगै कानुन व्यवसायीहरुमा खुसीयाली छाएको पौडेलले बताए ।
यो खबर पढेर तपाईलाई कस्तो महसुस भयो ?
प्रतिक्रिया