काठमाडौं । उपप्रधान एवं गृहमन्त्री रवि लामिछानेविरुद्ध नागरिकता विवादसम्बन्धि मुद्दामा बहस सकिएको छ ।
शुक्रबार सर्वोच्चको संवैधानिक इजलासमा उक्त मुद्दामा बहस भएको थियो ।
प्रधानन्यायाधीश हरिकृष्ण कार्की, न्यायाधीशहरू ईश्वरप्रसाद खतिवडा, डा आनन्दमोहन भट्टराई, अनिलकुमार सिन्हा र प्रकाशमान सिंह राउतको इजलासमा भएको सुनुवाइ सकिएको हो ।
सबै बहस सकिएपछि आजै फैसला आउने तयारी गरिएको छ ।
गत पुस ६ गते संवैधानिक इजलासले सुनुवाइ गर्दै अन्तरिम आदेश दिने वा नदिने विषयमा दुवै पक्षको छलफल आजका लागि राख्ने निर्णय गरेको थियो ।
आज लामिछानेको तर्फबाट वरिष्ठ अधिवक्ता सुशील पन्त, अधिवक्ता सुनील पोखरेल र अधिवक्ता यज्ञमणि न्यौपाने र
निवेदकको तर्फबाट वरिष्ठ अधिवक्ता सुरेन्द्र भण्डारी, अधिवक्ता रमन कर्णलगायतले बहस गरेका थिए भने सरकारी वकिलको कार्यालयबाट सञ्जीवराज रेग्मीले बहस गरेका थिए ।
लामिछानेले अमेरिकी नागरिकता त्यागेको तर नेपालमा पनि पहिल्यै त्यागेको नागरिकताबाट काम चलाएको भन्दै उनी सांसद बन्न नपाउने दाबीसहित मुद्दा परेको थियो ।
यो खबर पढेर तपाईलाई कस्तो महसुस भयो ?
प्रतिक्रिया