काठमाडौं । नेकपा (एकीकृत समाजवादी) ले वाम एकताका लागि कार्यदल गठन गरेको छ । आज पार्टी केन्द्रीय कार्यालयमा बसेको सचिवालय बैठकले वाम एकताका लागि पहल र अगुवाई गर्न महासचिव बेदुराम भुसालको नेतृत्वमा कार्यदल गठन गरेको हो ।
महासचिव बेदुराम भुसालले आज एक विज्ञप्ति जारी गर्दै वामपन्थी पार्टीहरुसँग पार्टी एकता तथा कार्यगत एकता गर्ने सम्वन्धमा वार्ता अघि बढाउन कार्यदल गठन भएको जनाएका छन् । कार्यदलमा उप–महासचिवहरु प्रकाश ज्वाला, डा.गंगालाल तुलाधर र डा. विजय पौडेलसमेत रहेका छन् ।
‘आज २०७९ पौष २१ मा नेकपा (एकीकृत समाजवादी) को केन्द्रीय सचिवालयको ४५ औं बैठक पार्टी अध्यक्ष कमरेड माधवकुमार नेपालको अध्यक्षतामा बस्यो । बैठकमा वर्तमान राजनीतिक परिस्थितिको बारेमा गहन छलफल भयो ।
बैठकले वामपन्थी पार्टीहरुसँग पार्टी एकता तथा कार्यगत एकता गर्ने सम्वन्धमा वार्ता अघि बढाउन पहिलेदेखि कायम रहेको वार्ता समितिलाई नै जिम्मा दिने निर्णय गर्योे, विज्ञप्तिमा भनिएको छ ।’
यो खबर पढेर तपाईलाई कस्तो महसुस भयो ?
प्रतिक्रिया