काठमाडौं । वैज्ञानिक तथा चिकित्सा विज्ञहरूका अनुसार हरेक मानिसले २४ घन्टामध्ये ६ देखि ७ घण्टा पर्याप्त सुत्नुपर्छ । यो शरीरको लागि आवश्यक छ। यसबाट व्यक्तिको स्वास्थ्य राम्रो रहन्छ र उसलाई कुनै प्रकारको रोग लाग्दैन । तर, आजको दौडधुपको जीवनमा यो सम्भव छैन । राति निन्द्रा नलाग्ने समस्या हुने धेरै मानिस छन् ।
तर के तपाइलाई थाहा छ ? मानिसको खानाले पनि निन्द्र लाग्ने र नलाग्नेमा भुमिका खेल्छ । यदि निद्रा पूरा भएन भने अर्को दिन मानिसको स्वास्थ्यमा असर पर्छ । साथै, शरीरका भित्री अंगहरूले आवश्यक आराम पाउँदैनन्। यदि तपाईलाई पनि निद्रा लाग्दैन भने तपाईले आफ्नो खानपानमा ध्यान दिनुपर्छ ।
खानेकुरामा केहि यस्ता चिजहरु जुन रातिको समयमा खानु हुँदैन । आज हामी यस्तो खानाबारे बताउन गइरहेका छौँ, जुन रातीको समयमा खान हुँदैन ।
टमाटर
के तपाईलाई थाहा छ, सुत्नुअघि टमाटर खाँदा निन्द्रा राम्रो लाग्दैन । यो किनभने टमाटरले एसिड रिफ्लक्स निम्त्याउँछ र पाचन समस्या बढाउँछ। एक अनुसन्धान रिपोर्टका अनुसार राती टमाटरको सेवनले बेचैनी बढाउन सक्छ र त्यसपछि पर्याप्त र आरामदायी निन्द्रा लाग्ने सम्भावना धेरै कम हुन्छ।
प्याज
प्याज पनि एउटा यस्तो चिज हो, जसले तपाईको पाचन प्रणालीमा हानि पुयाउन सक्छ । चिकित्सा विज्ञहरुका अनुसार प्याजले पेटमा ग्यास बनाउने काम गर्छ । यो ग्यासले तपाईंको पेटमा भएको दबाबलाई असर गर्छ, जसले गर्दा एसिड घाँटीतिर सर्छ। काँचो वा पकाएको प्याज दुवैले यस्तो समस्या निम्त्याउन सक्छ। त्यसैले राती सुत्नुअघि सकेसम्म प्याजको सेवन गर्नुहुन्न।
चीज
राति चीज खाँदा पेट फुल्ने, ग्यास हुनुका साथै पेट सुन्निने जस्ता समस्याहरू शुरु हुन्छन्, जसका कारण मानिसलाई निद्रा लाग्दैन । चिजमा टाइरामिन एमिनो एसिड पाइन्छ । यसले नोरेपाइनफ्रिन हर्मोन निस्कन्छ, जसले मानसिक सतर्कता बढाउँछ। जसले तपाइलाई निन्द्रा लाग्दैन ।
जङ्क फुड
यदि तपाईलाई रातमा चिप्स, स्न्याक्स र चिया पिउने बानी छ भने आजैबाट यो बानी परिवर्तन गर्नुहोस् किनभने तपाईको निद्रा र स्वास्थ्यको लागि यो भन्दा खराब अरु केही हुन सक्दैन। यी खाजाहरूमा धेरै मोनोसोडियम ग्लुटामेट हुन्छ, जसले तपाईंको निद्राको ढाँचालाई ढिलो बनाउँछ। यसका साथै यो उच्च रक्तचाप, मधुमेह र तौल बढ्नका लागि पनि जिम्मेवार हुन्छ ।
मसलादार खाना
मसालेदार ग्रेभिज र मसालेदार खानेकुराले मेटाबोलिजम बढाउँछ र रगतको प्रवाह बढाउँछ, जसका कारण निद्रामा बाधा उत्पन्न हुन्छ। यसबाहेक, जब तपाईं सुत्न जानुहुन्छ, मसालेदार खानेकुरा खाँदा शरीरको तापक्रम स्वाभाविक रूपमा घट्न थाल्छ, तब पनि सुत्न गाह्रो हुन्छ।
चिकन वा उच्च प्रोटीन खाना
सुत्नुअघि चिकन वा प्रोटिनयुक्त खानेकुरा खानुहुन्न । हामीले थाहा पाउनु पर्छ कि सुत्दा हाम्रो शरीरको पाचन क्षमता ५० प्रतिशत ढिलो हुन्छ । र शरीरले प्रोटीन पचाउन धेरै समय लिन्छ। त्यसैले सुत्नुअघि प्रोटिन उक्त कुरा खाइयो भने शरीरको ध्यान सुत्नुको सट्टा प्रोटिन पचाउनमा केन्द्रित हुन्छ।
मदिरा
दिनभरको थकान हट्छ र राम्रो निद्रा आउँछ भन्ने सोचेर राती सुत्नुअघि रक्सी पिउनुहुन्छ भने आफ्नो सोच बदल्नुहोस् । किनभने रक्सी पिउनु स्वास्थ्यका लागि निकै हानिकारक छ ।
डार्क चकलेट
डार्क चकलेटमा धेरै क्याफिन र उत्तेजक तत्व हुन्छ, जसले मुटुलाई आराम दिनुको सट्टा मुटुलाई सक्रिय र मस्तिष्कलाई सक्रिय राख्छ। यसलाई दिउँसो सेवन गर्दा फाइदा हुन्छ तर राती राम्रो निद्राका लागि यो राम्रो होइन ।
यो खबर पढेर तपाईलाई कस्तो महसुस भयो ?
प्रतिक्रिया