काठमाडौं । एमाले उपाध्यक्ष सुवासचन्द्र नेम्वाङले सत्तारूढ गठबन्धनको निर्णयका आधारमा पार्टीले कदम चाल्ने बताएका छन् । सत्तारूढ गठबन्धनले कस्तो निर्णय गर्छ र आफू कहाँ उभिने भन्ने विषयमा छलफलमा रहेको उपाध्यक्ष नेम्वाङले बताए ।
यसैबीच, नेकपा माओवादी केन्द्रका अध्यक्ष प्रचण्ड बालकोट हानिएका छन् । सत्ता गठबन्धनको बैठक छाडेर बालुवाटारबाट बाहिरिएका प्रचण्ड नेकपा एमालेका अध्यक्ष केपी शर्मा ओलीलाई भेट्न बालकोट हानिएका हुन् ।
प्रधानमन्त्री निवास बालुवाटारमा आज बिहान बसेको बैठकमा नेपाली कांग्रेसले राष्ट्रपति र प्रधानमन्त्री दुवै पद छाड्न नसक्ने अडान लिएपछि बैठक निश्कर्षबिहिन भएकाे छ ।
बहुमतसहित सरकारको नेतृत्वमा दाबी गर्न राष्ट्रपति विद्यादेवी भण्डारीले दिएको सात दिनको समयसीमा आज साँझ ५ बजे सकिने भएकाले त्यसअघि नै शक्ति बाँडफाँटमा सहमति खोज्न नेताहरु प्रयासरत छन् । सहमति खोज्ने प्रयासमा शीर्ष नेताहरुबीच अलग–अलग र संयुक्त बैठक हुँदै आएको छ ।
यो खबर पढेर तपाईलाई कस्तो महसुस भयो ?
प्रतिक्रिया