काठमाडौं । प्रतिनिधि सभामा नेपाल समाजवादी पार्टीबाट निर्वाचित सांसद महेन्द्रराय यादव र माओवादी केन्द्रका रामकुमार राईले सपथ लिएका छन् ।
बिहीबार प्रतिनिधि सभा सदस्य पदको सपथ लिन छुटेका २ सांसदले शपथ लिएका हुन् । संघीय संसद सचिवालय सिंहदरबारमा प्रतिनिधि सभाका जेष्ठ सदस्य पशुपतिशमशेर जबराले सपथ गराएका हुन् ।
सचिवालयमा रहेको मानव अधिकार समितिको हलमा शपथ गराइएको हो । यादवको नागरिकतामा रहेको उमेरसम्बन्धी समस्याका कारण बिहीबार उनले सपथ लिएका थिएनन् भने माओवादीका सांसद राई प्लेन उडानमा ढिलाई भएका कारण सपथका लागि छुटेका थिए ।
यो खबर पढेर तपाईलाई कस्तो महसुस भयो ?
प्रतिक्रिया