काठमाडौं । राष्ट्रिय स्वतन्त्र पार्टीको संसदीय दलको नेतामा पार्टी सभापति रवि लामिछाने चयन भएका छन् ।
सोमबार बसेको पार्टी कमिटी बैठकले लामिछानेलाई संसदीय दलको नेतामा चयन गरेको पार्टी प्रवक्ता डा. मुकुल ढकालले लोकपथलाई जानकारी दिए ।
‘आज बसेको पार्टी बैठकले सभापति रवी लामिछानेलाई दलको नेतामा चयन गर्ने निर्णय गरेको छ ।’ उनले लोकपथसँग भने ।
त्यसैगरी दलको उपनेता, प्रमुख सचेतक, सचेतक भने चयन हुन बाँकी रहेको छ ।
संसदीय दल र केन्द्रीय कमिटीको संयुक्त बैठकले अन्य पदपूर्ती गर्ने ढकालले बताए ।
बैठक केहीबेरमा बस्दैछ ।
योसँगै निर्वाचनपछि संसदीय दलको नेता चुन्ने पहिलो दल राष्ट्रिय स्वतन्त्र पार्टी बनेको छ ।
यो खबर पढेर तपाईलाई कस्तो महसुस भयो ?
प्रतिक्रिया