काठमाडौं । कतारमा जारी फिफा विश्वकप फुटबलको फाइनल खेलमा अर्जेन्टिना शुरुवाती अग्रता मिलेको छ । कतारको लुसेल स्टेडियममा जारी फाइनल खेलमा अर्जेन्टिनाले शुरुवाती अग्रता कायम गरेको हो ।
अर्जेन्टिनाका लागि खेल शुरु भएको २३ औँ मिनेटमा लिओनल मेस्सीले पेनाल्टि मार्फ गोल गरे । अर्जेन्टिना र फ्रान्स तेस्रो पटक विश्वकप उपाधि उचाल्ने योजनासहित मैदान उत्रिएका छन् ।
दुबै देशले समान दुई दुई पटक विश्वकप उपाधि जितेका छन् । लियोनल मेस्सीको कप्तानीमा रहेको अर्जेन्टिना छैटौं पटक विश्वकपको फाइनल पुगेको हो ।
यता, ह्युगो लोरिसको कप्तानीमा रहेको फ्रान्स लगातार दोस्रो पटक विश्वकपको फाइनलमा पुगेको हो । साविक विजेता समेत रहेको फ्रान्स लगातार दोस्रो पटक विश्वकप उचाल्ने अभियानमा रहेको छ ।
पहिलो सेमिफाइनलमा अर्जेन्टिनाले क्रोएसियालाई ३–० ले हराएको थियो । दोस्रो सेमिफाइनलमा फ्रान्सले मोरक्कोलाई २–० ले पराजित गर्दै दुवै टोलीले एक अर्कासँग फाइनलमा भेट पक्का गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया