काठमाडौं । सानिमा बैंक लिमिटेडले आईतवारका १८ औँ वार्षिक साधारण सभा सफलतापूर्वक सम्पन्न गरेको छ ।
बैंकका अध्यक्ष तुक प्रसाद पौडेलको अध्यक्षतामा भएको उक्त सभाले सञ्चालक समितिले प्रस्ताव गरे अनुसार हालको चुक्ता पूँजीको १० प्रतिशत बोनस शेयर र शून्य दशमलव ९८ प्रतिशत नगद लाभांश प्रदान गर्ने प्रस्ताव पारित गरेको छ ।
सर्वसाधारण समूहको तर्फबाट संचालक समितिमा आशुतोष उपाध्याय र रमेश कुमार पोखरेल १८ औँ वार्षिक साधारण सभाबाट निर्वाचित भउका छन् । आर्थिक बर्ष २०७८/७९ मा रुपैयाँ २ दशमलव ०९ अर्ब खुद मुनाफा गरेको सानिमा बैंकको कुल सम्पत्ति रुपैयाँ १ सय ९२ दशमलव ५१ अर्व, कुल निक्षेप रुपैयाँ १ सय ५८ दशमलव ८८ अर्ब तथा खुद कर्जा सापटी रुपैयाँ १ सय ४१ द्यशमलव ६९ अर्ब रहेको छ ।
आर्थिक वर्ष २०७७/७८ को तुलनामा निक्षेप, कर्जा सापटी र कुल सम्पत्तिमा क्रमश २१ द्यशमलव ३९, १५ दशमलव ०४ र १९ दशमलव ७५ प्रतिशतले वृद्धि गरेको छ ।
