निर्वाचित भएपश्चात जनताको समस्या बुझ्न गाउँगाउँमा पुग्दै जोशी

बझाङ। एउटा मात्रै निर्वाचन क्षेत्र रहेको बझाङबाट प्रतिनिधि सभा सदस्य पदमा निर्वाचित एकीकृत समाजवादीका नेता भानुभक्त जोशी यतिखेर जितको विजयी उत्सव र खुसियाली साटासाटमा व्यस्त छन् ।

संयुक्त बाम लोकतान्त्रिक गठबन्धनबाट एकल उम्मेदवारी बनेका जोशी नेकपा एमालेका केन्द्रीय सदस्य ऐन महरलाई पराजित गर्दै बझाङ जिल्लाबाट २६ हजार भन्दाबढी मत ल्याएर निर्वाचित भएका हुन् ।

निर्वाचित भएपछि उनी जोशी जिल्लाका गाउँगाउँमा जितको खुसियाली साटासाटसहित भएका समस्याहरूको बारे जनताहरूसँग गुनासो सुन्दै र अवलोकन गर्दैछन् ।

एकीकृत समाजवादीका स्थायी कमिटि सदस्य समेत रहेका जोशी विगतमा संविधान सभा सदस्य पदमा पनि निर्वाचित भई एक पटक मन्त्री सम्म भएर काम पनि गरिसकेका छन् ।

उनले निर्वाचित भए पश्चात् जनताको घरदैलोमा गएर धन्यवाद दिँदै त्यस क्षेत्रमा रहेका विभिन्न खानेपानी, सडक संजाल, बिजुली , गरिबी, रोजगारीको अभाव जस्ता समस्यहरूलाई निराकरण गर्नका लागि निरन्तर काम गर्ने जनता सामु प्रतिबद्धता व्यक्त गरिरहेका छन् ।