काठमाडौं । ४ मंसिरमा सम्पन्न प्रतिनिधि र प्रदेश सभा निर्वाचनको समानुपातिकको जारी मतगणनामा नेकपा एमालेले साढे २६ लाख मत कटाएको छ ।
हालसम्म २६ लाख ५१ हजार ६ सय ७२ मत प्राप्त गरेको छ । एमालेले शुरुवातीबाटै अग्रता कायम गर्दै हालसम्म पहिलो स्थान कामयै राखेको छ ।
त्यसैगरी हालसम्म नेपाली कांग्रेसले २५ लाख ७ हजार १४ मत प्राप्त गरेको छ । त्यस्तै तेस्रो स्थानमा रहेको नेकपा माओवादी केन्द्रले हालसम्म ११ लाख ३१ हजार ९ सय ८३ मत प्राप्त गरेको निर्वाचन आयोगले जनाएको छ ।
आयोगको तथ्यांक अनुसार राष्ट्रिय स्वतन्त्र पार्टीले १० लाख ८६ हजार ८ सय ५२, राष्ट्रिय प्रजातन्त्र पार्टीले ५ लाख ६१ हजार ७ सय १६ मत प्राप्त गरेको छ ।
त्यस्तै जनता समाजवादी पार्टीले ३ लाख ८२ हजार ५ सय ५४ मत, जनमत पार्टीले ३ लाख ४२ हजार ८८ मत प्राप्त गरेको छ ।
यता नेकपा एकीकृत समाजवादी राष्ट्रिय दल बन्ने बाटोमा लागेको छ । हालसम्म एकीकृत समाजवादी पार्टीले २ लाख ७८ हजार २ सय ९९ मत प्राप्त गरेको छ ।
हाल मतगणना जारी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया