१५ माघ २०७९, आईतवार

नुवाकोटमा ७ प्रतिशत मत बदर : देखिएन मतदाता शिक्षा प्रभावकारी

२०७९,मङ्सिर,१३,मंगलवार ११:२४

45
Shares

नुवाकोट । यही मङ्सिर ४ गते सम्पन्न आमनिर्वाचनमा नुवाकोटमा करिब सात प्रतिशत मत बदर भएको छ ।

प्रतिनिधिसभा र प्रदेशसभातर्फ जिल्लामा प्रत्यक्ष र समानुपातिकमा एक लाख ३० हजार एक सय एक मत खसेको थियो । ती मतगणनाका क्रममा आठ हजार नौ सय १९ मत बदर भएको जिल्ला निर्वाचन अधिकारी जयप्रसाद गौतमले जानकारी दिए ।

उनका अनुसार एक लाख २१ हजार एक सय ८२ मत सदर कायम गरेर गणना गरिएको हो । खसेको मतमा बदर मत छ दशमलव ८५ प्रतिशत रहेको छ । नुवाकोटमा प्रतिनिधिसभाको प्रत्यक्षतर्फ क्षेत्र नं १ मा ६३ हजार पाँच सय ८६ मतगणना गर्दा तीन हजार पाँच सय ६५ मत बदर भएको थियो भने क्षेत्र नं २ मा ६६ हजार एक सय १९ मतगणना गर्दा छ हजार एक सय १९ मत बदर गरिएको छ ।

प्रतिनिधिसभाको समानुपातिकतर्फ क्षेत्र नं १ मा ६२ हजार एक सय ३२ मतगणना गर्दा दुई हजार नौ सय ९९ र क्षेत्र नं २ मा ६६ हजार आठ सय ५३ मत गणना हुँदा तीन हजार एक सय ४४ मत बदर भएको निर्वाचन अधिकृत गौतमले जानकारी दिए ।

उन्का अनुसार प्रदेशतर्फ क्षेत्र नं १ को प्रदेशसभा (१) मा प्रत्यक्षतर्फ ३१ हजार एक सय सातमा एक हजार एक सय ४२ र प्रदेशसभा–२ मा ३२ हजार दुई सय ५७ मा एक हजार पाँच सय ५७ मत बदर छ । क्षेत्र नं २ को प्रदेशसभा–१ मा ३३ हजार आठ सय ८९ मतमा एक हजार आठ सय १९ र प्रदेशसभा–२ मा ३० हजार आठ सय ४९ मतमा एक हजार दुई सय ८० मत बदर भएको छ ।

प्रदेशसभाको समानुपतिकतर्फ क्षेत्र नं १ मा ६४ हजार एक सय ५१ मतगणना हुँदा चार हजार एक सय ६६ र क्षेत्र नं २ मा ६५ हजार नौ सय ५० मतगणनामा चार हजार सात सय ५३ मत बदर भएको छ ।

मतदान अधिकृतको हस्ताक्षर देखिएन

निर्वाचनमा अधिकतम मतदाताको सहभागिता बढाउन र खसेको मत बदर हुन नदिन निर्वाचन आयोगदेखि राजनीतिक दल र उम्मेदवारले मतदाता शिक्षा सञ्चालन गरे पनि त्यो प्रभावकारी देखिएन ।

मतदान गर्ने तरिका सहीरूपमा सिकाउन नसक्दा र चुनाव गराउन खटिएका मतदान अधिकृतको लापरबाहीले बदर मत सङ्ख्या अपेक्षाभन्दा धेरै आएको छ । “यो पटकको चुनावमा मतदाताको सहभागिता ७५ प्रतिशत हुने अपेक्षा भए पनि ५४ प्रतिशतमात्रै रह्यो”, निर्वाचन अधिकारी गौतमले भने, “यसअघिको पालिका चुनावमा चार प्रतिशत बदर मत रहेकामा त्यसलाई घटाएर दुई प्रतिशतमा ल्याउने लक्ष्य अहिलेको चुनावमा थियो । तर यसअघिको भन्दा दोब्बर नै बढी हुन गयो ।”

मत बदर हुनुमा मतदाताले एकभन्दा बढी चुनाव चिह्नमा सङ्केत गरेको, स्वस्तिक छापको सट्टा ल्याप्चे लगाएको, मतदान अधिकृतले मतपत्रमा हस्ताक्षर नगरेको, मतदातालाई सङ्घ र प्रदेशको एकै मतपत्र एकभन्दा बढी पटक दिएको लगायत देखिन्छ ।

“मतदान अधिकृतले हस्ताक्षर नगरेका कारण धेरै मत बदर गर्नुप¥यो । एकभन्दा बढी केन्द्रको सयुक्त गणना गरेकाले कुन मतदान अधिकृतबाट लापरबाही भएको भन्ने पहिचान नहुँदा लापरबाही गर्नेले उन्मुक्ति पाउँछन्”, उनले भने। मतगणनाको समयमा जुनसुकै सभा वा प्रणालीको मतपत्र जुनसुकै पेटिकामा भेट्टिए पनि त्यसलाई सदर मानेर गणना गर्ने निर्वाचन आयोगको निर्देशनले अझै धेरै मत बदर हुनबाट जोगाएको थियो ।

प्रकाशित मिति: २०७९,मङ्सिर,१३,मंगलवार ११:२४

प्रतिक्रिया दिनुहोस !
सम्बन्धित खबरहरु

वालिङ । नेपाली कांग्रेसका केन्द्रीय उपसभापति धनराज गुरुङले निर्वाचित जनप्रतिनिधिहरूले गफभन्दा पनि काम गरेर देखाउनुपर्ने बताएका छन् । गत मंसिरमा

सप्तरी । नेकपा (एकीकृत समाजवादी) का अध्यक्ष माधवकुमार नेपालले चुनौतीको सामना गर्ने र अवसरका लागि अगाडि बढ्नेहरु मात्रै सफल हुने

काठमाडौं । राष्ट्रिय सभाका पूर्वसांसद एवं वरिष्ठ अधिवक्ता रामनारायण बिडारीले राष्ट्रिय सहमतिमा नै राष्ट्रपति बनाउनुपर्ने बताएका छन् । काठमाडौंमा शनिबार

पर्वत । स्वास्थ्य तथा जनसंख्या मन्त्री पदम गिरीले नेपाली जनताको विकास र समृद्धिको चाहना वर्तमान सरकारले पूरा गर्ने बताएका छन्

ताजा समाचार

‘के लत बस्यो’लाई ३१ लाख बढी ‘भ्यूज’
 २०७९,माघ,१५,आईतवार ०७:५२
सुन्तला बिक्रीबाट रु ४५ लाख आम्दानी
 २०७९,माघ,१५,आईतवार ०७:३२
यस्तो छ आजको विनिमयदर
 २०७९,माघ,१५,आईतवार ०७:२५