ईलाम–१ : २४ सय मतले पछि परे झलनाथ खनाल

ईलाम । ईलाम क्षेत्र नं १ को जारी मतगणनामा नेकपा एमालेका उम्मेदवार महेश बस्नेतले १८ हजार ५ सय ४२ मतसहित अग्रता कायमै राखेका छन् ।

त्यस्तै उनका निकटतम प्रतिद्धन्दी नेकपा एकीकृत समाजवादीका झलनाथ खनालले १६ हजार ८७ मत प्राप्त गरेका छन् ।

खनाल र बस्नेतबीचको २ हजार ४ सय ६५ मतको अन्तर रहेको छ ।

निकै रोचक बनेको सो क्षेत्रको मतगणना केही राजनीतिक दलका प्रतिनिधिहरुबीच विवाद भएपछि रोकिएको थियो ।

निर्वाचन अधिकृतको कार्यालयले दिएको जानकारी अनुसार सो क्षेत्रमा हालसम्म ४२ हजार ६ सय ४७ मतको गणना भएको छ । जसमा ४० हजार ६ सय ५९ मत सदर भएको छ । भने हालसम्म २ हजार ७ सय ७९ मत बदर भएको छ ।