सर्लाही । कांग्रेसले टिकट नदिएपछि सर्लाही क्षेत्र नं ४ बाट स्वतन्त्र उम्मेदवारी दिएका डा. अमरेशकुमार सिंहले अग्रता कायम गरेका छन् ।
पछिल्लो मतपरिणाम अनुसार सिंहले हालसम्म १६ हजार ६ सय ८४ मत प्राप्त गरेका छन् ।
नेपाली कांग्रेसका उम्मेदवार नागेन्द्र कुमार रायले १५ हजार ३ सय ३ मत प्राप्त गरेका छन् ।
त्यसैगरी स्वतन्त्रबाट उठेकी मधुकुमारी यादवले हालसम्म ११ हजार ७ सय ७८ मत प्राप्त गरेकी छिन् ।
स्थानीय निर्वाचनमा पार्टीलाई असहयोग गरेको आरोपमा कांग्रेसले उनलाई कारबाही गरेको थियो । पार्टीले टिकट नदिएपछि सिंहले स्वतन्त्रबाट उम्मेदवारी दिएका थिए ।
अन्तिम परिणाम केहीबेरमा आउने मुख्य निर्वाचन अधिकृतको कार्यालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया