बागलुङ–१ बाट चित्रबहादुर केसी निर्वाचित

बागलुङ । बागलुङ क्षेत्र १ बाट प्रतिनिधिसभा सदस्यमा राष्ट्रिय जनमोर्चाका उम्मेदवार चित्र बहादुर केसी निर्वाचित भएका छन् ।

बुधबार आएको अन्तिम परिणाम अनुसार केसीले २१ हजार ४५१ मत ल्याएका छन् ।

केसीले नेकपा एमालेका सूर्यप्रसाद पाठकलाई २ हजार ६२६ मतान्तरले पराजित गरेका हुन् । एमालेका पाठकले १८ हजार ८२५ मत पाएका छन् ।

पाठक यसअघि सो क्षेत्रबाट निर्वाचित भएका थिए ।

यसपटक बाग्लुङ १ मा ५४ हजार ७११ मत खसेको थियो ।