चुनावमा अपडेटेड रहन एनसेलले ल्यायो दुई उत्कृष्ट प्याकहरु

लोकपथ
65
Shares

काठमाडौं । एनसेलका ग्राहकले प्रतिनिधि सभा र प्रदेश सभा सदस्यको निर्वाचनका बेलामा आफू अपडेटेड रहन विभिन्न डेटा र भ्वाइस प्याकबाट फाइदा लिन सक्छने गरि प्याकेज बजारमा ल्याएको छ । एनसेल आजियाटा लिमिटेडले आफूले प्रदान गरेको प्याकहरुले ग्राहकहरुलाई सञ्चार सेवामा पहुँच सुनिश्ति गर्ने र यसले सेवा सहज र सुलभ हुने जनाएको छ ।

आफ्ना सञ्चार सेवाका आवश्यकताहरूका आधारमा, ग्राहकहरूले दैनिक, साप्ताहिक वा मासिक प्याक छनौट गर्न सक्ने कम्पनीले जनाएको छ । ग्राहकले कर सहितमात्र ४८ रुपैयाँमा २४ घन्टा अर्थात १ दिनसम्म अनलिमिटेड डेटा र नेपालको सबै नेटवर्क पठाउँन मिल्न ४० अल नेट एसएमएस प्याक लिन सक्ने कम्पनीको भनाइ छ । ग्राहकले सजिलै एस्ट्रिक्स १७१२३ एस्ट्रिक्स २५ ह्यास डायल गरि यो प्याक लिन सक्छन् ।
डेटा सेवामा, ग्राहकले डबल मजा प्याकमा अन्तर्गत ७ दिनको समयसिमा रहेको ५ जीबी डेटा र १ जीबी नाइट डेटा प्रयोग गर्न सक्छन् ।

ग्राहकले एस्ट्रिक्स १७१२३ एस्ट्रिक्स २२ ह्यास डायल गरी यो प्याक सुचारु गर्न सक्छन् । डबल मज्जा प्याक खरिद गर्ने ग्राहकले सोही प्याक पुनः खरिद गर्दा दोब्बर डेटा भोल्युम प्राप्त गरी डबल फाइदा लिन सक्छन् । यसको अर्थ ग्राहकले ५ जीबीको प्याक फेरी किन्दा १० जीबी डेटा प्राप्त गर्छन । त्यस्तै, मात्र २९ रुपैयाँमा ग्राहकले एक दिने १ जीबी अल टाइम डेटा र १०० एमबी (बोनस) डेटा प्याक प्राप्त गर्न सक्छन् । ग्राहकले एस्ट्रिक्स १७१२३ एस्ट्रिक्स २६ ह्यास डायल गरि यो प्याक लिन सक्छन् ।

यसैगरी भ्वाइस सेवा अन्तर्गत ग्राहकले अल नेपाल भ्वाइस प्याक प्रयोग गरी कुनै पनि नेटवर्कमा सुलभ दरमा कल गर्न सक्छन् । ग्राहकले यो प्याकमा रहेको ५ सय मिनेट अल नेट कल मात्र २ सय ६५ रुपैयाँमा सुचारु गर्न सक्छन् । ग्राहकले एस्ट्रिक्स १७११८ एस्ट्रिक्स ३ ह्यास डायल गरी प्याक सुचारु गर्न सक्छन् । एनसेल एप र वेभसाइटमार्फत पनि यो प्याक खरिद गर्न सकिन्छ ।

अन नेट कलका लागि पनि ग्राहकलाई इन्डलेस कुराकानी प्याकको विकल्प रहेको छ । यस प्याकमा रहेको कुल ८ सय ७५ मिनेट अन नेट टक टाइम (हरेक दिन १ सय २५ मिनेट अन नेट टक टाइम, सात दिनसम्म) मात्र ९५ रुपैयाँमा सुचारु गर्न सक्छन् । ग्राहकले एस्ट्रिक्स १७११८ एस्ट्रिक्स ६ ह्यास डायल गरी प्याक सुचारु गर्न सक्छन् ।

यो खबर पढेर तपाईलाई कस्तो महसुस भयो ?