१७ मङ्सिर २०७९, शनिवार

हाम्रा पुस्ताले गर्व गर्ने विकास आयोजनाहरू ल्याउनेछु : इश्तियाक राई

२०७९,कार्तिक,३०,बुधबार २२:०१

36
Shares

बाँके। जनता समाजवादी पार्टी नेपालका नेता तथा बाँके क्षेत्र नम्बर २ प्रतिनिधिसभा उम्मेदवार मोहम्मद इश्तियाक राईले एउटा ऐतिहासिक क्षण अब नजिकिइसकेको भन्दै मंसिर ४ गते एकदमै विकेक पुर्‍याएर मतदान गर्न अपिल गरेका छन्।

डुडुवामा बुधवार भएको पार्टीको एउटा चुनावी कोणसभालाई सम्बोधन गर्दै उम्मेदवार राईले यो चुनाव लामो संघर्षपछि प्राप्त अधिकारहरू जोगाउने र त्यो अधिकार खोस्न चाहनेहरूबीचको लडाईं भएको भन्दै त्यसमा विवेक पुर्‍याउन आग्रह गरेका हुन्।

‘राज्यका हरेक संचरनामा आज हाम्रो पनि सहभागिता स्विकार्यता भएको छ। संविधानले हामीलाई स्विकार गरेको छ। हाम्रा धोती अनि कुर्ताहरूलाई राज्यले पहिचान दिएको छ। हाम्रो भाषालाई राज्यले सम्मान गरेको छ’ गाउँगाउँबाट जुटेका सयौं मतदाताहरूलाई सम्बोधन गर्दै उनले भने ‘हामीले आफ्नो पहिचान र अधिकारका लागि हजारौंले रगत पसिना बगाएका छन्। यो कसले जित्ने भन्नेमात्रै चुनाव होइन। यो त ती अधिकार जोगाउने कि फेरि त्यसलाई कसैको मुठ्ठीमा सुम्पिने ? त्यसको फैसला पनि हो।’

उनले फेरि पुरानै शासन व्यवस्थाको वकालत गर्नेहरू फेरि पनि नागरिकलाई रैति बनाउनका लागि भोट माग्न आइरहेको भन्दै त्यसको गतिलो जवाफ मंसिर ४ गते मतपत्रबाट दिन पनि मतदातालाई आग्रह गरे। यो क्षेत्रको विकास नचाहनेहरूले आफूविरूद्ध भ्रामक कुराहरू फैलाइरहेको भन्दै उम्मेदवार राईले कसैको झुटा र जनता ढाँट्ने कुराहरूको पछाडि नलाग्न पनि मतदाताहरूलाई सचेत बनाए।

‘उनिहरू चाँहदैनन् यो क्षेत्रको विकास होस। यो क्षेत्रका नागरिक समृद्ध होउन्। उनिहरू त चाहन्छन् जनता सधैं उही गरिबीमा रहिरहून्। सधैं उनिहरूका रैति भइरहून्’ उनले भने ‘विकास गरिरहेको मान्छेका बारेमा नानाथरि कुरा गरेर उनिहरूले अहिले मतदाता भड्काउने काम गरिरहेका छन्।’

राईले भ्रष्टाचार कसले गरेको छ र विकास कसले गरेको छ भनेर आफू सधैं बहस गर्न तयार रहेको पनि सुनाए। ‘उनिहरू पनि यो क्षेत्रको उच्चस्थानमा बसेका छन्। दश–दश वर्ष महानगर चलाएका छन्। उनिहरूले किन विकास गरेनन् ? आज काम गरिरहेको मान्छे देखेर उनिहरूलाई औडाह भइरहेको छ। र उनिहरू छटपटाइरहेका छन्। जनतासचेत भएको देखेर उनिहरू डराइरहेका छन्’ उनले भने ‘त्यसैले उनिहरू पछि लागिरहेका छन्। मैले कसरी पैसा कमाए भनेर प्रमाणहरू खोज्न हिँडेका छन्। दुःख गरिरहेका छन्। तर त्यत्रो दुःख किन गर्नुपर्‍यो ? त्यो सबै त मैले सार्वजनिक गरिसकेको छु। नभए कसैले मलाई सोधे पनि म भनिदिन्छु नि !’

आफ्नो पुस्ताले समेत गर्व गर्नेगरि विकास ल्याउनका लागि नागरिकले जसपाप्रति अगाध स्नेह र उत्साह देखाइरहेको भन्दै विरोधीहरू अत्तालिएको बताउँदै राईले मतदाताहरूलाई मंसिर ४ गते विवेकपूर्ण मतदान गर्न आग्रह गरे। जसले जति विरोध गरे पनि वा अवरोध गरे पनि आफू यो क्षेत्रको विकासका लागि सधैं लडिरहने प्रतिवद्धता पनि उनले व्यक्त गरे।

‘तत्कालका लागि कसैलाई यो विकासका संरचनाहरू, विकासका आयोजनाहरू आएको देखेर, ल्याउँछ कि भनेर ठूलै डर छ। उनिहरू छटपटाइरहेका छन्’ उनले भने ‘तर ढुक्क हुनुहोस् यो विकास भनेको कसैको व्यक्तिगत होइन। कुनै समुदाय विशेषका लागि मात्रै होइन। विकास भनेको कुनै धर्म वा सम्प्रदायका लागि मात्रै होइन। यो त यहाँको समग्र समृद्धिका लागि हो। तपाईं हाम्रा पुस्ताले गर्व गर्ने कुरा हो।’

कोणसभालाई प्रदेशसभा उम्मेदवार भण्डारीलाल यादव, समानुपातिक उम्मेदवार अम्बिका काफ्ले, जसपाका जिल्लाअध्यक्ष कमरुद्दीन राईलगायतले पनि सम्बोधन गरेका थिए।

प्रकाशित मिति: २०७९,कार्तिक,३०,बुधबार २२:०१

प्रतिक्रिया दिनुहोस !
सम्बन्धित खबरहरु

काठमाडाैं । प्रतिनिधिसभा र प्रदेशसभा निर्वाचनको अन्तिम परिणाम सार्वजनिक हुँदा मधेस प्रदेशमा १८ जना पूर्वमन्त्री पराजित भएका छन् । कतिपय

काठमाडाैं । प्रधानमन्त्री शेरबहादुर देउवाले अपाङ्गता भएका व्यक्तिको हक अधिकारको संरक्षण र सम्वद्र्धन गर्दै उनीहरूलाई राज्यबाट प्रदान गरिने सेवा सुविधामा

बाजुरा । बाजुराको प्रतिनिधिसभाको मतगणना छ । बुधबार बेलुकी ६ः३० बजेदेखि मतगणना शुरु भएको हो । पछिल्लो मतपरिणामअनुसार प्रतिनिधिसभामा नेपाली

प्रतिनिधिसभा सदस्य निर्वाचनको मतगणना जारी रहेको स्याङ्जा क्षेत्र नं २ मा प्रतिनिधिसभा र प्रदेशसभा दुवैमा नेपाली कांग्रेसको अग्रता रहेको छ

ताजा समाचार

मधेस प्रदेशमा १८ पूर्वमन्त्री पराजित
 २०७९,मङ्सिर,१७,शनिवार ११:१५
‘नेपाल होटल अवार्ड’ आयोजना हुने
 २०७९,मङ्सिर,१७,शनिवार १०:५९
कुटपिट गरी हत्या गरेको आरोपमा दुई पक्राउ
 २०७९,मङ्सिर,१७,शनिवार ०८:३२