११ चैत्र २०७९, शनिवार

कांग्रेसका शीर्ष नेताहरुको निर्वाचन क्षेत्र फाइनल, को- कहाँबाट लड्दै ?

२०७४,कार्तिक,२,बिहीवार ०१:४४

0
Shares

काठमाडौं, २ कात्तिक -कांग्रेसले प्रधानमन्त्रीसहित केही शीर्ष नेताको निर्वाचन क्षेत्र टुंगो लगाएको छ । कांग्रेसको उम्मेदवार छनोट गर्न बनेको संसदीय समितिको बुधबार बालुवाटारमा बसेको बैठकले प्रधानमन्त्रीसमेत रहेका पार्टी सभापति शेरबहादुर देउवासहितका केही शीर्ष नेतृत्वको निर्वाचन क्षेत्र टुंगो लगाएको हो ।राजधानी दैनिक लेख्छ- एक संसदीय समिति सदस्यका अनुसार पार्टी सभापति देउवा डडेलधुराबाट चुनाव लड्ने निश्चित भएको छ । यसैगरी वरिष्ठ नेता रामचन्द्र पौडेल तनहुँ १ बाट प्रतिनिधि सभा निर्वाचनमा सहभागी हुने भएका छन् । २०४८ सालमा तनहुँ निर्वाचन क्षेत्र नम्बर १ बाट विजयी पौडेल २०५१ को निर्वाचनदेखि निरन्तर तनहुँ २ बाट विजयी बन्दै आएका छन् । त्यस्तै, महामन्त्री शशांक कोइराला नवलपुर १ बाट चुनाव लड्ने टुंगो लागेको छ । विमलेन्द्र निधि धनुषा ३ बाट उठ्ने सम्भावना छ ।शिक्षामन्त्रीसमेत रहेका नेता गोपालमान श्रेष्ठ स्याङ्जा २ र हालै कांग्रेससँग पार्टी एकता गरेका विजयकुमार गच्छदार सुनसरी ३ बाट उम्मेदवार बन्ने भएका छन् । नेता शेखर कोइराला मोरङ ६ बाट निर्वाचनमा सहभागी हुने पक्का भएको छ । डा. मिनेन्द्र रिजाल मोरङ २ बाट र नेता महेश आचार्य ४ बाट उठ्ने भएका छन् । मोरङ ५ बाट भने अमृत अर्याल सहभागी हुने भएका छन् ।यसैगरी डा. रामशरण महत नुवाकोट १ बाट र नेता अर्जुननरसिंह केसी नुवाकोट २ बाट निर्वाचनमा सहभागी हुने भएका छन्् । काठमाडौं क्षेत्र नम्बर १ बाट कांग्रेस पूर्वमहामन्त्री समेत रहेका नेता प्रकाशमान सिंह प्रतिनिधिसभामा सहभागी हुने भएका छन्् । उनी यसअघिका निर्वाचनमा पनि काठमाडौं १ बाटै निर्वाचित हुँदै आएका छन् ।काठमाडौं २ बाट दीपक कुइँकेल, काठमाडौं ३ बाट अम्बिका बस्नेत, काठमाडौं ४ बाट गगन थापाको टुंगो लागेको छ । थापा दोस्रो संविधानसभा निर्वाचनमा पनि काठमाडौं ४ बाटै विजयी भएका थिए ।काठमाडौं ५ बाट प्रकाशशरण महत र ६ मा रक्षामन्त्री भिमसेनदास प्रधान सहभागी हुने भएका छन् । संविधानसभा दोस्रो निर्वाचनमा फराकिलो मतान्तरले एमाले सचिवसमेत रहेका योगेश भट्टराई र माओवादीका हिमाल शर्मालाई पराजित गरेका प्रधानलाई नै सो क्षेत्रबाट उम्मेदवार बनाइने भएको हो ।काठमाडौं ७ का विषयमा कसलाई उम्मेदवार बनाउने भन्ने टुंगो लागेको छैन । क्षेत्र ८ बाट नवीन्द्रराज जोशी, ९ बाट ध्यानगोविन्द रञ्जित र काठमाडौं १० बाट युवा तथा खेलकुदमन्त्री राजेन्द्र केसी चुनाव लड्नेछन्् । केसीले संविधानसभा दोस्रो निर्वाचनमा माओवादी अध्यक्ष पुष्पकमल दाहाललाई सो क्षेत्रबाट पराजित गरेका थिए ।त्यस्तै, सुनसरी ४ बाट ज्ञानेन्द्रबहादुर कार्की र १ बाट मीन विश्वकर्मा उम्मेदवार बन्ने भएका छन् । झापा १ बाट युवा नेता विश्वप्रकाश शर्मा, आनन्दप्रसाद ढुंगाना धनुषा १ बाट उम्मेदवार हुने सम्भावना छ ।कांग्रेसले जिल्लाबाट आएको सिफारिसको आधारमा उम्मेदवार छनोट गर्न २२ सदस्यीय समिति बनाएको थियो । सो समिति अहिले पनि उम्मेदवार विषयमा छलफल प्रक्रियामै छ ।कांग्रेस मुख्यसचिव कृष्ण पौडेलले पहिलो चरणमा शीर्ष नेताको निर्वाचन क्षेत्र टुंगो लगाइएको जानकारी दिए ।

प्रकाशित मिति: २०७४,कार्तिक,२,बिहीवार ०१:४४

प्रतिक्रिया दिनुहोस !
सम्बन्धित खबरहरु

घोडेजात्रा एउटा अत्यन्तै पुरानो जात्राका रुपमा प्राचीन कालदेखिनै काठमाडौ उपत्यकामा मनाइँदै आइएको परम्परा हो । प्रत्येक वर्ष चैत्र कृष्णपक्ष औँसीका

संस्कृतिका दृष्टिले वैभवपूर्ण काठमाडौं उपत्यका मन्दिरै–मन्दिर र जात्रै–जात्राको सहर हो । हरेक वर्ष घोडेजात्राको अघिल्लो दिनदेखि तीन दिनसम्म उपत्यकाका नेवार

काठमाडाैं । मुलुकले सङ्घीय गणतन्त्रात्मक व्यवस्थाको अभ्यास गर्न थालेको सात वर्ष पूरा भएको छ । संविधानले सङ्घ, प्रदेश र स्थानीय

काठमाडौं । गोंगबुस्थित नयाँ बसपार्क सञ्चालनको जिम्मा पाएको ल्होत्से बहुउद्धेश्यीय प्रा.लिले काठमाडौं महानगरपालिका (कामनपा)लाई तिर्नुपर्ने रोयल्टी (दस्तुर) नतिरेको पाइएको छ

ताजा समाचार

थ्री नेसन्स कप : भुटान र लोआस भिड्दै
 २०७९,चैत्र,११,शनिवार १८:०३
नियन्त्रित लागूऔषधसहित २ जना पक्राउ
 २०७९,चैत्र,११,शनिवार १७:११