१. निहारिका राजपुतको छोराको डीएनए शिवराज श्रेष्ठसँग मिल्यो, श्रेष्ठलाई पक्राउ गर्न माग गर्दै प्रधानमन्त्री निवास बालुवाटार पुगेकी निहारिका पक्राउ ।
२. डा. तोसिमा कार्कीको उम्मेदवारी खारेजीको माग गर्दै निर्वाचन आयोग सर्वोच्च अदालतमा, लाभको पदका सन्दर्भमा सर्वोच्च अदालतको एकल इजलासबाट गरिएको प्रारम्भिक व्याख्यामा आयोगको असहमति ।
३. भारतले मिचेको भूमि फिर्ता ल्याएरै छाड्ने एमाले अध्यक्ष केपी ओलीको दाबी, राष्ट्रियताको सवालमा नेपाल एक इञ्च जमिन कसैलाई छाड्ने पक्षमा नरहेको उल्लेख ।
४. आगामी निर्वाचन अग्रगमन र प्रतिगमनबीचको लडाइँको फैसला हुने नेकपा माओवादी केन्द्रका अध्यक्ष प्रचण्डको भनाइ, आगामी निर्वाचनमा अग्रगमनको पक्षमा फैसला गर्न आग्रह ।
५. जनताको माग पूरा गर्न एमालेको सरकार आवश्यक रहेको एमालेका उपाध्यक्ष विष्णु पौडेलको दाबी, एमालेको सरकारहुँदा विकास निर्माणका कामले गति लिएको तर्क ।
६. प्रतिनिधिसभा तथा प्रदेश सभा निर्वाचनका लागि मतपत्र छपाइ सकियो, मतदाताको संख्या एक करोड ७९ लाख ८८ हजार ५७० रहेको निर्वाचन आयोग द्वारा जानकारी ।
७. संविधानको रक्षा, शान्ति सम्झौताका बाँकी काम पूरा गर्न र समृद्ध नेपाल निर्माण गठबन्धनको मुख्य तीन काम भएको माओवादी केन्द्रका वरिष्ठ उपाध्यक्ष नारायणकाजी श्रेष्ठको भनाइ, गठबन्धनले निर्वाचन जितेर देशको विकासमा लाग्न आवश्यक रहेको जिकिर ।
८. मंसिर १ गतेदेखि अर्को सूचना प्रकाशित नभएसम्मका लागि सवारी चालक अनुमतिपत्रको अनलाईन आवेदन प्रणाली बन्द रहने, आगामी मङ्सिर ४ गते हुने चुनावलाई लक्षित गर्दै यातायात व्यवस्था विभागको निर्णय ।
९. आज हरिबोधिनी एकादशी, विष्णु भगवानको पूजा आरधनासहित तुलसी विवाह गरी मनाइयो ।
१०. ब्याजदर तत्काल घटाउन सरकारसँग माग गर्दै आएका उद्योगी, व्यवसायीहरुले गरे सडक आन्दोलन सुरु, एक अंकको ब्याजदर कायम गर्न र तत्कालका लागि लिलामी गर्ने नीतिगत व्यवस्था खारेज गर्न माग ।
११. यस साता सेयर बजार सूचक नेप्सेमा ४७ अंकको वृद्धि, लामो समयपछि केही सुधारात्मक संकेत देखिएको नेप्से यो साता १ हजार ९ सय २२.१६ अंकमा उक्लियो ।
१२. इबोलाका विरुद्ध सङ्घर्ष गर्नका लागि आर्थिक सहयोग आवश्यक रहेको युगाण्डा सरकारको भनाइ, प्रकोप नियन्त्रण गर्न कम्तीमा पनि २० मिलियन अमेरिकी डलर आवश्यक रहेको उल्लेख ।
१३. दक्षिण कोरियामा बढ्दै कोरोना संक्रमितको संख्या, पछिल्लो २४ घण्टामा थप ४३ हजार भन्दा बढी संक्रमण पुष्टि, ५३ जनाको मृत्यु, ३ सय ४ संक्रमित गम्भीर अवस्थामा ।
१४. नाबालिकालाई बलात्कार गरेको आरोप लागेका क्रिकेटर सन्दीप लामिछानेलाई पुर्पक्षका लागि थुनामा पठाउन काठमाडौं जिल्ला अदालतको आदेश, आदेशसँगै उनलाई केन्द्रीय कारागार सुन्धारा चलान गरियो ।
१५. र, प्रधानमन्त्री कप राष्ट्रिय क्रिकेट प्रतियोगितामा गण्डकी प्रदेश र विभागीय टोली एपीएफ क्लबीचको खेल बरारीमा सकियो, दुवै टोलीले जोडे तीन खेलबाट समान ५ अंक ।
यो खबर पढेर तपाईलाई कस्तो महसुस भयो ?
प्रतिक्रिया