काठमाडौं । नेपाली सेनाको आयोजनामा हुने पाँचौ संस्करणको प्रधानसेनापति अन्तर्राष्ट्रिय ट्राइ एडभेन्चर प्रतियोगिता आगामी मंसिरमा हुने भएको छ । राष्ट्रिय तथा अन्तर्राष्ट्रिय टोलीको सहभागिता रहने उक्त प्रतियोगिता आगामी मंसिर ९ गते हुने आज यहाँ आयोजित पत्रकार सम्मेलनमा नेपाली सेनाका सेनानी एवं उक्त प्रतियोगिताका निर्देशक राजीव चन्दले जानकारी दिए ।
उनले उक्त प्रतियोगितामा सहभागी हुन चाहने इच्छुक टोलीले आगामी मंसिर १ गतेसम्म टिम दर्ता गराउन पाउनेसमेत बताए । उक्त प्रतियोगितामा निःशुल्क टिम दर्ता गराउन पाइनेछ । दौड, साइक्लिङ र ¥याफटिङ समावेश हुने उक्त प्रतियोगितामा एक टिममा चार खेलाडी सहभागी हुनेछन् ।
प्रतियोगितामा पहिलो स्थान हासिल गर्ने टोलीले २ लाख रुपैयाँ प्राप्त गर्नेछ भने दोस्रो हुने टोलीले १ लाख ६० हजार रुपैयाँ पाउनेछ । त्यसैगरी, प्रतियोगितामा तेस्रोले १ लाख, चौथोले २० हजार रुपैयाँ र पाँचौँ हुने टोलीले १० हजार रुपैयाँ पाउनेछन् ।
यो खबर पढेर तपाईलाई कस्तो महसुस भयो ?
प्रतिक्रिया