काठमाडौं । विकास बैंकहरुमा शुन्य दशमलव ७७ देखि झण्डै पाँच प्रतिशतसम्म कर्जा खराब देखिएको छ । सञ्चालनमा रहेका १७ वटा विकास बैंकहरु मध्येमा यही कात्र्तिक १६ गते बुधबारसम्ममा १४ वटा विकास बैंकहरुले चालु आर्थिक बर्षको अपरिष्कृत वित्तीय विवरण सार्वजनिक गरेकोमा उक्त परिमाणमा कर्जा खराब देखिएको हो ।
अपरिष्कृत वित्तीय विवरण अनुसार सबैभन्दा बढी खराब कर्जा क्षेत्रियस्तरको कर्पोरेट डेभलपमेन्ट बैंकमा देखिएको छ भने सबैभन्दा कम खराब कर्जा राष्ट्रियस्तरको मुक्तिनाथ विकास बैंकमा देखिएको छ । चालु आर्थिक वर्षको पहिलो त्रैमासमा कर्पोेरेटमा चार दशमलव ६९ प्रतिशत कर्जा खराब देखिएको छ । गत आर्थिक वर्षको सोही अवधिमा उक्त बैंकमा यस्तो कर्जाको अनुपात चार दशमलव ६५ प्रतिशत रहेको थियो ।
क्षेत्रियस्तर कै नारायणी डेभलपमेन्ट बैंकमा भने चार दशमलव ६७ प्रतिशत कर्जा खराब हुँदा राष्ट्रियस्तरको मुक्तिनाथमा शुन्य दशमलव ७७ प्रतिशत मात्र कर्जा खराब देखिएको छ । गत आर्थिक वर्षको सोही अवधिमा भने यि बैंकहरुमा यस्तो कर्जाको अनुपात क्रमशः सात दशमलव शुन्य पाँच र शुन्य दशमलव २३ प्रतिशत रहेको थियो । खराब कर्जाबढी हुने दोस्रो ठुलो बैंकमा पनि क्षेत्रियस्तरकै ग्रीन डेभलपमेन्ट बैंक परेको छ । ग्रीनमा चार दशमलव ४८ प्रतिशत कर्जा खराब देखिएको छ । गत आर्थिक वर्षको सोही अवधिमा भने ग्रीनमा यस्तो कर्जाको अनुपात दुई दशमलव ४५ प्रतिशत रहेको थियो ।
कामना सेवा, महालक्ष्मी, लुम्बिनी र कर्णाली डेभलपमेन्ट बैंकमा भने चालु आर्थिक वर्षको पछिल्लो अवधिमा क्रमशः तीन दशमलव ४०, तीन दशमलव ६२ र तीन दशमालव २० प्रतिशत र तीन दशमलव १२ प्रतिशत कर्जा खराब देखिएको छ । गत आर्थिक वर्षको सोही अवधिमा भने यि बैंकहरुमा यस्तो कर्जाको अनुपात क्रमशः एक दशमलव ७९, तीन दशमलव शुन्य आठ, एक दशमलव ३१ र तीन दशलमलव ४० प्रतिशत रहेको थियो ।
अपरिष्कृत वित्तीय विवरण अनुसार चालु आर्थिक वर्षको पहिलो त्रैमासमा ज्योति, साँग्रिला र गरिमा विकास बैंकमा भने क्रमशः दुई दशमलव ५०, दुई दशमलव २७ र एक दशमलव ७१ प्रतिशत कर्जा खराब देखिएको छ । गत आर्थिक वर्षको सोही अवधिमा भने यि बैंकहरुमा यस्तो कर्जाको अनुपात क्रमशः शुन्य दशमलव ६८, एक दशमलव ६४ र एक दशमलव शुन्य चार प्रतिशत रहेको थियो ।
यि बाहेक मितेरी, सिन्धु र शाईन रेसुंगा डेभलपमेन्ट बैंकमा पनि चालु आर्थिक वर्षको पछिल्लो अवधिमा क्रमशः एक दशमलव ६०, एक दशमलव ३० र एक दशमलव शुन्य नौ प्रतिशत कर्जा खराब रहेको छ । गत आर्थिक वर्षको सोही अवधिमा यि बैंकहरुमा यस्तो कर्जाको अनुपात क्रमशः शुन्य दशमलव ९६, ६ दशमलव ६४ र शुन्य दशमलव ६८ प्रतिशत रहेको थियो ।
विकास बैंकहरुमा हाल कायम रहेको खराब कर्जा (प्रतिशतमा)
क्र.स. बैंकको नाम चालु आवको पहिलो त्रैमास गत आवको पहिलो त्रैमास
१. कर्पोरेट डेभलपमेन्ट बैंक ४.६९ ४.६५
२. नारायणी डेभलपमेन्ट बैंक ४.६७ ७.०५
३. ग्रिन डेभलपमेन्ट बैंक ४.४८ २.४५
४. कामना सेवा विकास बैंक ३.४० १.७९
५. महालक्ष्मी विकास बैंक ३.६२ ३.०८
६. लुम्बिनी विकास बैंक ३.२० १.३१
७. कर्णाली डेभलपमेनन्ट बैंक ३.१२ ३.४०
८. ज्योति विकास बैंक २.५० ०.६८
९. साँग्रिला डेभलपमेन्ट बैंक २.२७ १.६४
१०. गरिमा विकास बैंक १.७१ १.०४
११. मितेरी डेभलपमेन्ट बैंक १.६० ०.९६
१२. सिन्धुु विकास बैंक १.३० ६.६४
१३. शाईन रेसुंगा डेभलपमेन्ट बैंक १.०९ ०.६८
१४. मुक्तिनाथ विकास बैंक ०.७७ ०.२३
(श्रोत : सम्वन्धीत विकास बैंकको पहिलो त्रैमासिक अपरिष्कृत वित्तीय विवरण)
यो खबर पढेर तपाईलाई कस्तो महसुस भयो ?
प्रतिक्रिया