३ आश्विन २०७८, आईतवार

तोकिएकै मितिमा चुनाव सम्पन्न गर्न हामी सरकारमा गएका हौं : मन्त्री गिरी

२०७४,कार्तिक,१,बुधबार ०९:५३


काठमाडौं, १ कार्तिक । नवनियुक्त सहरी विकासमन्त्री दिलनाथ गिरीले प्रदेश र प्रतिनिधि सभाको निर्वाचन तोकिएकै समयमा हुने स्पष्ट पारेका छन् । उनले भने,‘चुनाव सर्दैछ भनेर हल्ला फिँजाईएको छ, तर म विश्वस्त दिलाउँछु कि तोकिएकै मितिमा चुनाव हुन्छ, कसैले शंका गर्नुहुँदैन, चुनावको सुनिश्चितताको लागि नै हामी सरकारमा सहभागी भएका हौं।’बुधबार रिपोर्टर्स क्लब नेपालले आयोजना गरेको साक्षात्कारमा बोल्दै मन्त्री गिरीले तोकिएकै मितिमा चुनाव सम्पन्न गराउनको लागि नै आफ्नो पार्टी सरकारमा सहभागी भएको जिकिर गरेका हुन् । उनले थपे,‘चुनाव हुन्छ, सरकार यसको लागि पुरै प्रयत्नशिल छ, सरकार त्यसैको लागि बनेको हो, हाम्रो मुख्य दायित्व भनेकै समयमै बाँकी निर्वाचन सम्पन्न गरेर संविधानको सफल कार्यान्वयन गर्नु हो।’साक्षात्कारमा बोल्दै उनले वर्तमान सरकारले चुनाव सार्न खोज्यो भनेर आएका अभिव्यक्तिहरुमा कुनै सत्यता नभएको स्पष्ट पारे । उनले अघि भने,‘विभिन्न बहाना बनाएर अतिरञ्जित ढंगबाट चुनावी वातावरण बिगार्ने कोशिश हुँदैछ, आँफै के–के गर्ने अनि आँफै फेरि तर्सिने काम गर्नुहुँदैन्, चुनाव तोकिएकै मितिमा हुन्छ।’हामी कार्तिक ५ गते नै सरकार छाड्छौं, समर्थन फिर्ता हुन्छ : मन्त्री शाहीकाठमाडौं, १ कार्तिक । बिना बिभागीय मन्त्री महेन्द्रबहादुर शाहीले यही कार्तिक ५ गते सरकारबाट बाहिरिने स्पष्ट पारेका छन् ।रिपोर्टर्स क्लब नेपालले बुधबार आयोजना गरेको साक्षात्कारमा बोल्दै मन्त्री शाहीले आफूहरुलाई सरकारमै बसिरहने कुनै चाहना नरहेको स्पष्ट पारेका हुन् । उनले भने,‘हामी चुनावको सुनिश्चितताको लागि मात्रै सरकारमै बसेका हौं, होईन भने हामीलाई विनाविभागीय भएर सरकारमै बसिरहन चाहाँदैनौं।’क्लबका सभापति ऋषि धमलाको सभापतित्वमा आयोजित साक्षात्कारमा बोल्दै उनले प्रधानन्त्री शेरबहादुर देउवाले चुनाव सार्ने संकेत देखाएको भन्दै आफूहरु मनोनयनको मितिसम्म सरकारमा बिना विभागियकै रुपमा भएपनि बस्ने स्पष्ट पारे ।शाहीले भने,‘प्रधानमन्त्रीले ठूलो गल्ती गर्नुभएको छ, संसद नभएको बेला र हामीले सरकारलाई दिएको समर्थन कायम राखेको बेलामा मन्त्रीहरु थप्नुभयो, मन्त्रीहरुका गाडीले काठमाडौमा जाम हुने स्थिति भयो, हामीलाई एक मिनेट सरकारमा बस्ने रहर छैन्, हामी यही कार्तिक ५ गतेसम्म सरकारमा बस्छौँ त्यसपछि सरकार छोड्छौँ।’आफूहरु मृत्यसँग जितेर आएको बताउँदै मन्त्री शाहीले तोकिएको समयमा प्रधानमन्त्रीले निर्वाचन नगरे र चुनाव सार्ने रणनीतिमा लागेको खण्डमा सरकार र सडकबाट आन्दोलन थाल्ने चेतावनी समेत दिए।उनले भने,‘हामी मृत्युसँग जितेर आएका मानिस हौ, हामी सत्ताको लागि होईन मुलुकको हितका निम्ति बाँचेका मानिस हौँ, संघियता बिरोधी, धर्मनिरपेक्षा बिरोधिजस्ता तत्वहरुलाई सरकारमा सामेल गराएर चुनाव सार्ने काम हामीलाई स्विकार्य हुँदैन।’मन्त्री शाहीले वाम गठबन्धन राजनीतिक स्थिरताको लागि भएको समेत स्पष्ट पारे । उनले भने,‘स्थानीय तहको पहिलो चरणको निर्वाचनमा कुनै पार्टीको बहुमत आएन, फेरीपनि केन्द्र र प्रदेशको निर्वाचनमा पनि प्रष्ट बहुमत नआउने पक्का छ, त्यसैले नै हामीले ठुलो गृहकार्यबाट वाम एकताको बहस गरेका हौँ।’वाम एकताको कुराबाट देशी तथा विदेशी शक्तिहरुको निद्रा भंग भएको टिप्पणी गर्दै मन्त्री शाहीले भने,‘वाम एकताको नाममा देशलाई स्थिरता र समृद्धितर्फ लैजान नदिने देशी तथा विदेशी शक्तिहरुको निद्रा भंग भएको छ, उहाँ सुतेपनि नसुतेपनि हाम्रो एकता मुलुकको लागि हो, लोकतन्त्रको लागि हो,कुनै छलकपट लुकाएर गर्न खोजिएको एकता होईन।’प्रधानमन्त्री देउवाले त तोकिएकै समयमा निर्वाचन हुन्छ भन्दा तपाईहरुले विश्वास नगर्नुको कारण के हो नि ? भनेर पत्रकारले सोधेको प्रश्नको जवाफमा मन्त्री शाहीले भने,‘हामीलाई शंका छ, तोकिएको समयमा चुनाव नगर्ने रणनीति बन्दैछ भन्ने हामीले सुन्यांै त्यसैले हामी सरकारमा बसिरहने निर्णय गयौँ, यदि प्रधानमन्त्रीले तोकिएको समयमा निर्वाचन गर्नुभयो भने उहाँ सफल नेता हुनुहुनेछ, ईतिहासले उहाँलाई सम्मान गर्नेछ, उहाँले समयमै निर्वाचन गर्न सक्नुहुन्छ भन्नेमा हामी विश्वस्त छौँ।’

प्रकाशित मिति: २०७४,कार्तिक,१,बुधबार ०९:५३

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार

तनहुँमै पीसीआर परीक्षण
 २०७८,आश्विन,३,आईतवार ११:२६