काठमाडौं । बेलायतका नवनियुक्त प्रधानमन्त्री ऋषि सुनकले युक्रेनलाई निरन्तर सहयोग गर्न बेलायत प्रतिबद्ध रहेको बताएका छन् । आज
युक्रेनी राष्ट्रपति भ्लादिमिर जेलेन्स्कीसँग टेलिफोन वार्ता गर्दै सुनकले सो कुरा बताएका हुन् ।
फोन वार्तामा दुई देशबीचको सम्बन्ध तथा आउँदा दिनमा सहयोग निरन्तरताबारे कुराकानी भएको छ । प्रधानमन्त्री सुनकले युक्रेनी नागरिकप्रति बेलायतको ऐक्यबद्धता एवम् समर्थन निरन्तर रहने बताएका समाचार संस्था एएनआईले जनाएको छ ।
बेलायतका प्रधानमन्त्री सुनकले युक्रेनी राष्ट्रपति र नागरिकप्रति निरन्तर साथ, सहयोग र समर्थन रहने प्रतिबद्धता व्यक्त गरेको खबरमा उल्लेख छ ।
कुराकानीका क्रममा प्रधानमन्त्री सुनकले युक्रेनको स्वतन्त्रताको पक्षधर बेलायत किएभको असल मित्र देश रहेको र अबको युक्रेन पुनर्निर्माणमा सहयोग गर्न प्रतिबद्ध रहेकोसमेत बताएका छन्।
पश्चिमा देशले युद्धबाट तहसनहस भएको युक्रेनको पुनर्निर्माणको योजना बनाइरहेका छन् । रुसले गएको फेब्रुअरीदेखि युक्रेनमा आक्रमण थालेपछि मानवीय तथा भौतिक क्षति भएको छ ।
यो खबर पढेर तपाईलाई कस्तो महसुस भयो ?
प्रतिक्रिया