कुमारी बैंकको पहिलो त्रैमासिक नाफा एक अर्ब १४ लाख

लोकपथ
26
Shares

काठमाडौं । कुमारी बैंकले चालु आर्थिक बर्षको पहिलो त्रैमासिक अवधिमा एक अर्ब १४ लाख ५९ हजार तीन सय ८१ रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा भने बैंकको यस्तो नाफा ५४ करोड ११ लाख १९ हजार नौं सय २३ रुपैयाँ रहेको थियो ।

हाल चुक्ता पुँजी १४ अर्ब ७१ करोड ११ लाख ८३ हजार तीन सय २६ रुपैयाँ रहेको बैंकले चालु आर्थिक वर्षको पहिलो त्रैमासमा एक खर्ब ७३ अर्ब ९७ करोड ६५ लाख २२ हजार दुई सय ७६ रुपैयाँ निक्षेप संकलन गरी एक खर्ब ५५ अर्ब ८२ करोड सात लाख २३ हजार आठ सय ९१ रुपैयाँ कर्जा प्रवाह गरेको छ । सो अवधिमा एक अर्ब ९७ करोड २२ लाख ६१ हजार ५८ रुपैयाँ खुद ब्याज आम्दानी गरेको बैंकमा एक दशमलव २८ प्रतिशत कर्जा निष्क्रिय रहेको छ । सो अवधिमा चार दशमलव १३ प्रतिशत स्प्रेड दर रहेको बैंकको वितरणयोग्य नाफा भने २६ करोड ४६ लाख ६९ हजार दुई सय ७९ रुपैयाँ रहेको छ ।

गत आर्थिक वर्षको सोही अवधिमा भने बैंकले एक खर्ब ७६ अर्ब ७६ करोड ७६ लाख ६५ हजार पाँच सय ५६ रुपैयाँ निक्षेप संकलन गरी एक खर्ब ५२ अर्ब ५६ करोड द्द९ लाख २९ हजार सात सय ८१ रुपैंयाँ कर्जा प्रवाह गरेको थियो । उक्त अवधिमा एक अर्ब २८ करोड ६९ लाख ३३ हजार सात सय ७५ रुपैंयाँ खुद ब्याज आम्दानी गरेको बैंकमा शुन्य दशमलव ८२ प्रतिशत कर्जा निष्क्रिय रहेको थियो भने स्प्रेड दर दुई दशमलव ७१ प्रतिशत रहेको थियो ।

यो खबर पढेर तपाईलाई कस्तो महसुस भयो ?