काठमाडौं । जारी ‘एएफसी’ यू-१९ महिला फुटबल छनोट च्याम्पियनसिपमा नेपालले शानदार जीत हात पारेको छ ।
थाइल्याण्डको चोनबरी रंगशालामा आइतवार भएको समुह चरणको अन्तिम खेलमा नेपालले पाकिस्तानलाई ९–० गोलको फराकिलो अन्तरले हराएको हो । खेलको शुरुवाती समयदेखि नै पाकिस्तानलाई दवावमा राखेको नेपालले पहिलो हाफमा ३ गोल गरेको थियो ।
खेल शुरु भएको २ मिनेट पनि बित्न नपाउँदै नेपालका लागि मञ्जली योञ्जनले पहिलो गोल गर्दै टिमलाई शुरुवाती अग्रता दिलाइन् । ३२ औँ मिनेटमा सम्झना लावतीले तथा ३८ औ मिनेटमा एलिशा जिम्बाले एक-एक गोल गरिन् ।
त्यस्तै, ४८ औँ र ५४ औँ मिनेटमा पुजा रानाले दुई गोल गर्न सफल भइन् । यता ५७ औँ, ७४ औँ मिनेटमा निशा थोकरले गोल गरिन् । ८५ औँ मिनेटमा निशाले ह्याट्रिक पुरा गरिन् । खेल सकिनै लाग्दा सरु लिम्बुले गोल गर्दै नेपाललाई शानदार जीत दिलाइन् ।
जितपछि नेपालले प्रतियोगिताको दोस्रो चरणमा पुग्ने सम्भावनालाई बलियो बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया