धनगढी । कैलाली–५ मा नागरिक उन्मुक्ति पार्टीबाट उम्मेदवारी दिएका लक्ष्मण चौधरीको उम्मेदवारी खारेज गरिएको छ ।
उच्च अदालत दिपायलले जन्म कैदको फैसला सुनाएका थारुको उम्मेदवारी खारेज भएको हाे । फैसलापछि चाैधरी फरारको सूचीमा छन् ।
उनीविरूद्ध सोमवार धनगढी–१५ का रामबहादुर सिंहले निर्वाचन कार्यालयमा उजुरी दिएका थिए ।
२३ असोजमा वारेसमार्फत उनले नागरिक उन्मुक्ति पार्टीको तर्फबाट कैलाली–५ मा प्रतिनिधिसभा सदस्यका लागि उम्मेदवारी दिएका थिए ।
थारुलाई ज्यान मार्ने उद्योगमा जिल्ला अदालत कैलालीबाट सजाय भएको र उच्च अदालतले कर्तव्य ज्यान मुद्दामा जन्म कैदको सजाय तोकेकाले उनको उम्मेदवारी खारेज हुने निर्णय गरिएको मुख्य निर्वाचन अधिकृत ओमप्रकाश अर्यालले बताए ।
मुख्य निर्वाचन अधिकृतको कार्यालयले थारुलाई मंगलबार दिउँसो ३ बजेभित्र प्रमाणसहित उम्मेदवारी बदर गर्न नपर्ने कारण पेश गर्ने समय दिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया