५ आश्विन २०७८, मंगलवार

समानुपातिकको आधा मतपत्र छापियो

२०७४,कार्तिक,१,बुधबार ०१:११


काठमाडौं, १ कात्तिक -आगामी १० र २१ मंसिरमा हुने प्रतिनिधिसभा तथा प्रदेशसभा सदस्य निर्वाचनका लागि निर्वाचन आयोगले मतपत्र छपाइ कार्य तीव्र बनाएको छ । आयोगले प्रतिनिधिसभा र प्रदेशसभाको निर्वाचनअनुरूप जनक शिक्षा सामग्रीमार्फत समानुपातिक निर्वाचनको मतपत्र छापिरहेको छ । आयोगका प्रवक्ता नवराज ढकालले मंगलबारसम्ममा ८० लाख मतपत्र छापिसकेको जानकारी दिए , राजधानी दैनिकमा खबर छ ।प्रतिनिधिसभा तथा प्रदेशसभाको निर्वाचनमा भाग लिन समानुपातिक निर्वाचन प्रणालीतर्फ ४९ वटा राजनीतिक दलहरूले निर्वाचन आयोगमा समानुपातिक उम्मेदवारहरूको बन्दसूची बुझाएको छ । यसअघि ८८ वटा दलहरूले निर्वाचनमा भाग लिनेगरी आयोगमा निवेदन दिएको थियो । आयोगले प्रत्येक दललाई निर्वाचन चिह्नसमेत दिइसकेको छ ।तर समानुपातिक उम्मेदवारको बन्दसूची बुझाउने बेला गत २९ असोजमा ४९ वटा दलहरूले मात्रै सूची बुझाएका थिए । निर्वाचन आयोगले भने ८८ वटै दलहरूका लागि चुनाव चिह्नसहित समानुपातिक निर्वाचन प्रणालीको मतपत्र छपाइ कार्य गरिरहेको छ ।‘अब ३९ दलको चुनाव चिह्न मात्रै हुने भयो, उम्मेदवार नहुने भयो,’ आयोगका प्रवक्ता ढकालले भने, ‘किनभने हामीले पहिल्यै ८८ वटै दलका लागि हुने गरी मतपत्र छपाइ सुरु गरेका थियौं ।आयोगले गत १७ असोजदेखि नै मतपत्र छपाइ सुरु गरेको हो । आयोगले मतपत्र छपाइका लागि जनक शिक्षा सामग्री भक्तपुरलाई जिम्मा दिएको छ । आयोगले समानुपातिक निर्वाचनका लागि १ करोड ७४ लाख मतपत्र छाप्नेछ ।

प्रकाशित मिति: २०७४,कार्तिक,१,बुधबार ०१:११

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार

अक्सिजन प्लान्ट अभियानमा एक करोड सङ्कलन
 २०७८,आश्विन,५,मंगलवार १४:०८