मासु पारखीहरूको रोजाइमा पर्ने परिकार हो, चिकेन रोस्ट । हरेक उमेरसमूहका मानिसले रोस्ट मन पराउँछन् । रोस्ट बनाउन पनि एकदमै सजिलो छ । यसरी सजिलै बनाउनुहोस् चिकेन रोस्ट ।
आवश्यक सामग्री
- आवश्यकता अनुसारको कुखुराको मासु
- तेल, बेसार, नुन, गरम मसला, मिट मसला, धुलो खुर्सानी
- लसुन, अदुवाको पेस्ट
- कागती
- अण्डा
बनाउने तरिका
मासुमा बेसार, नुन, गरम मसला, मिट मसला, धुलो खुर्सानी, लसुन, अदुवाको पेस्टसँगै कागतीको रस र अण्डा राखेर राम्ररी मोल्ने र कम्तिमा आधा घण्टाका लागि छोपेर राख्ने । छ भने फ्रिजमा राख्दा राम्रो ।
मासु हल्का नरम भएपछि निकाल्ने । अब रोस्ट बनाउनको लागि कराई वा प्यानमा तेल ताताउने । तेल तातेपछि म्यारिनेट गरेर राखिएको मासु भाँडोको क्षमता अनुसार तेलमा डुब्ने गरी हाल्ने ।
मासु हल्का खैरो हुँदै गएपछि त्यसलाई अर्कोतर्फ पनि फर्काएर पकाउने । दबैतर्फ खैरो रंगको भएपछि रोस्ट खानको लागि तयार हुन्छ । रोस्टलाई सामान्यतः अचारसँग खाइन्छ । तर, आ–आफ्नो स्वाद अनुसार यसलाई जसरी पनि खान सकिन्छ ।
यो खबर पढेर तपाईलाई कस्तो महसुस भयो ?
प्रतिक्रिया